هاوسەرۆكی گشتی پارتی دیموكراتی گەلان هەدەپە لە كۆبوونەوەی فراكسیۆنی پارتەكەی لە پەرلەمانی توركیا ئاشكرایكرد ئامانجی پارتەكەی لە هەڵبژاردنەكانی 14ی ئایاری 2023ی توركیادا بردنەوەی 100 كورسی پەرلەمانە.
هاوسەرۆكی گشتی هەدەپە پەروین بوڵدان رایگەیاند ئامانجی هەدەپە بردنەوەی 100 كورسی پەرلەمانە لە هەڵبژاردنەكانی 14ی ئایار.
ئەوەشی خستەڕوو، بەڵێنێكی دیكەش دراوە، ئەویش دوورخستنەوەی پارتی دادوگەشەپێدان ئاكەپە و پارتی نەتەوەپەرست مەهەپەیە لە دەسەڵات.
بوڵدان راشیگەیاند دوای ئەو هەموو كارەسات و قەیرانانەی روویانداوە دەبێت لێپرسینەوە لە ئاكەپە و مەهەپە بكرێت.
داواشی لە هاووڵاتیان كرد كۆتایی بە سیستمی هەڕەشە و گووشار بهێنن.
پارتی دیموكراتی گەلان سێهەم گەورە پارتی توركیا و گەورەترین پارتی كوردی باكووری كوردستانە.
هەدەپە بۆ هەڵبژاردنەكانی سەرۆكایەتی هیچ بەربژێرێكی نییە، ئەگەری بەهێز هەیە پشتیوانی لە كەمال كلچدار ئۆغلۆ بەربژێری ئۆپۆزسیۆن و هاوپەیمانی میلەت بكات.
