ئەمڕۆ لە شاری هەولێر دەزگای هەڵبژاردنی یەكێتی نیشتمانی كوردستان و بەشی هەڵبژاردنی پارتی دیموكراتی كوردستان لەبارەی كورسی پێكهاتەكان كۆدەبنەوە.
ئەوە لەكاتێكدایە ئەو كۆبوونەوەیە چوارەمین كۆبوونەوەی نێوان ئەو دوو لایەنەیە لەسەر هەڵبژاردن.
بەپێی زانیارییەكان، یەكێتی و پارتی لەسەر 100 كورسی پەرلەمان رێككەوتوون و ئەوەی ماویانە گفتوگۆی لەسەر بكەن 11 كورسی پێكهاتەكانە.
كۆبوونەوەكەی ئەمڕۆ كاتژمێر 11:00 لە شاری هەولێر سەبارەت بە هەمواری یاسای هەڵبژاردن بەڕێوەدەچێت.
بەپێی زانیارییەكان، كۆبوونەوەكە بۆ درێژەدانە بە كۆبوونەوەكانی ڕابردووی نێوانیان و لەبارەی هەمواری یاسای هەڵبژاردن و كاراكردنەوەی كۆمسیۆن گفتوگۆ دەكەن.
