ئێمە لە تۆرە کۆمەڵایەتیەکان

ڕاپۆرت و شیکاری

گالاکتیکۆس و زیاتریش: ڕیاڵ مەدرید بە دوو ئەستێرەی ناودار بونیادی تیپەکەی دەنێتەوە

خەڵک سپۆرت

هاندەرانی “لۆس بلانکۆس” چاوەڕوان بوون لەناکاو فلۆرنتینۆ پێرێزی سەرۆکی یانە دەست لەناو دەست کریستیانۆ لەگەڵ خۆی بباتە سانتیاگۆ بێرنابیۆ و نوێکردنەوەی بۆندەکەی ڕابگەیەنێت، بەڵام کەیسی ئەفسانەکە ئاڕاستەیەکی تری وەرگرت و پێچەوانەکەی دەرچوو…

کریستیانۆ ڕۆناڵدۆی پورتوگالی بەفەرمی داوای ڕۆیشتنی کرد و لە ڕیاڵ مەدریدەوە پەیوەندی کرد بە یانەی یوڤانتۆسەوە، لە داهاتوشدا شوێنگرتنەوەی ئاسان نابێت.

“دۆنی پورتوگال” لەوەرزێکدا ٥٠ گۆڵ و زیاتری تۆمار کردووە، لەبەرئەوەیە ئەگەر ئیدارەی ڕیاڵ مەدرید شوێنگرەوەی گالاکتیکۆسی بۆ دابین بکات یان نا، ئەو داتایە دووبارە نابێتەوە، ئەوەش کاریگەری لەسەر ئاستی یانە بەگشتی و ڕێژەی تۆماری گۆڵ دەبێت، لەگەڵ ئەوەشدا دەستەیەک یاریزانی بەتوانای هاوشێوەی ئیسکۆ و ئاسینسیۆ و بنزیمە دەتوانن چمکی هێڵی هێرشبەر بگرنە ئەستۆ و بەشێوازێکی نوێ سەرکەوتنەکان بچننەوە.

بە کورتییەکەی ڕیاڵ مەدرید یانەیەکی زەبەلاح و مێژووییە و ناکەوێت، بەڵکو بەردەوام دەبێت لەسەر بردنەوەکان، بەڵام بەشێوەیەکی تر.

ڕۆژنامەی ” مارکا”ئاماژەی کردووە، ئاشکرایە کە ڕیاڵ مەدرید پارەی خەیاڵی هەیە و لەتوانایدایە هەر یاریزانێک بگوێزێتەوە بۆ پێکهاتەکەی، بەڵام پێش هەموو شتێک پێویستە دوو گالاکتیکۆس دابین بکرێت و تەنها بەوشێوەیە دەتوانن باشتر لەپێشوو بونیادی تیپەکەی لوپێتیگی بنێنەوە.

نایمار ژمارە یەک

کاتێک میدیاکان لەچەندین لاوە ئاشکرای دەکەن، باوکی نایمار و خودی یاریزانەکە لە پاریس ناتوانن خۆیان بگونجێنن، واتا هەواڵەکان دروستن و لەبری سەرچاوەیەک چەند سەرجاوەیەکی هەیە.

هۆکارەکەش ئەوەیە کە نایمار و خێزانەکەی هەستیان کردووە لەڕێگەی یانەیەکی فەرەنسییەوە ناگەنە لوتکە و چەندین ئەفسانەی بەرازیل داوایان لێکردووە جوڵە بکات، بەڵام ئەم جوڵە کردنە پێویستی بە دووبارەکردنەوەی ئازایەتی کریستیانۆ هەیە و پێویستە “گەوهەرەکەی سیلیساو” ڕووبەڕوی ناسڕ خلێفی ببێتەوە و داوای لێبکات نرخێک بۆ گواستنەوەی دەستنیشان بکات.

کەین و مباپێ و هازارد

لەنێوان ئەم سیانەیەدا هازارد لە وەسفکردن و ڕاکێشانی سەرنجی ڕیاڵ مەدرید نەوەستاوە، نرخەکەشی ئاشکرایە لە ١٠٠ ملیۆن تێپەڕ ناکات و زۆرینەی شارەزایان پێیان وایە دەبێتە یەکەمین گالاکتیکۆسی هاوینەی شاهانە لەدوای کریستیانۆ، بەڵام پرسیارەکە دیسانەوە ئەوەیە: ئایا ئەم گواستنەوەیە ئەوانەی تر کۆتایی پێدەهێنێت؟

ئەگەر لەحاڵەتێکدا نایمار مسۆگەر نەبێت، ئەوا مباپێ دەبێتە داواکراوی سەرەکی و مێژووی نێوان پاریس و ڕیاڵ ڕێگە نادات دوو یاریزان لە فەرەنساوە لەیەک یانە دامباڵرێن و ڕوو لە مەدرید بکەن، کەیسی هاری کەینیش زۆر ئاڵۆزترە لەوەی چاوەڕوان دەکرێت، چونکە ناوبراو هاوشێوەی ئینگلیزیەکانی تر قورسە خۆی بگونجێنێت، هەروەها خۆشحاڵە لە تۆتنهام و دانێل لیڤی سەرۆکی ئەو یانەیەش مامەڵەی لەفرۆشتنی ئەستێرەکانی بەرامبەر “مێرەنگی” باش نییە.

بەیل دەبێتە مەرجەع

ئەوەی گاریس بەیلی وێڵزی چەندین ساڵە داوای دەکات چیتر کاتی جێبەجێکردنی هاتووە، کریستیانۆ لەپێکهاتەکەدا نەماوە و گاریس بەیل دەکرێت ببێتە مەرجەعی سەرەکی و خەونەکەی بێتە دی، لەپاڵیدا بنزیمە و ئاسینسیۆ و ئیسکۆ یاریدەدەر دەبن و دەکرێت سود لەتواناکانی ڤینیسیۆز جونیۆرزی بەرازیلی و ڕائول دی تۆماس وەربگرن.

هەروەها کەیسی ماتیۆ کۆڤاسیچیش یەکلایی بۆتەوە، ڕۆیشتنی لە ڕیاڵ مەحاڵە و ئیدارەی یانە هەرگیز ڕێگە بەڕۆیشتنی نادات.

ڕاپۆرت و شیکاری

(شیکاری) سۆلاری به‌ هه‌شت گۆڕانکاری فریاگوزاری خێرای بۆ پێکهاته‌ تێکشکاوه‌که‌ی لوپێتیگی کردووه‌ !

خه‌ڵک سپۆرت

له‌و ساته‌وه‌ سانتیاگۆ سۆلاری ئه‌رجه‌نتینی وه‌ک راهێنه‌ری پێکهاته‌ی یه‌که‌می یانه‌ی ڕیاڵ مه‌درید ده‌ستنیشان کراوه‌، توانیویه‌تی به‌ هه‌شت گۆڕانکاری فریاگوزاری خێرا بۆ پێکهاته‌ تێکشکاوه‌که‌ی جولین لوپێتیگی بکات.

ڕۆژنامه‌ی “ئاس”ی ئیسپانی شیکارییه‌کی بۆ بارودۆخی یانه‌ی شاهانه‌ کردووه‌ و به‌ هه‌شت خاڵ ته‌واوی ئه‌و گۆڕانکاری و نوێکاریانه‌ی ئاشکرا کردووه‌، که‌ سۆلاری له‌ماوه‌ی دوو تا سێ هه‌فته‌دا کاری له‌سه‌رکردون و له‌ کاره‌کانیشیدا سه‌رکه‌وتو بووه‌.

  • ئۆدریزۆلا بۆ جێگه‌ی کارڤاخال: له‌کاتێکدا لوپێتیگی ئاماده ‌نه‌بوو ئۆدریزۆلا به‌کاربخات، له‌پێگه‌ی دانی کارڤاخال به‌هۆی پێکانه‌وه‌ که‌لێنێکی گه‌وره‌ دروست ببو، به‌ڵام له‌ئێستادا لاوه‌ ئیسپانیه‌که‌ جێگه‌ی کارڤای گرتۆته‌وه‌ و له‌ ئه‌رکه‌کانیدا سه‌رکه‌وتو بووه‌، به‌شێوه‌یه‌ک که‌ چاوه‌ڕوان ده‌کرێت له‌داهاتویه‌کی نزیکدا وه‌ک ئه‌ستێره‌ی سه‌ره‌کی مامه‌ڵه‌ی له‌گه‌ڵدا بکرێت.
  • ڕیگۆلۆن موفاجه‌یه‌کی جوان: به‌کارخستنی ڕیگۆلۆنی لاوی به‌هره‌مه‌ندی کاستیا له‌باڵی چه‌په‌وه‌ کاریگه‌ری ئاگرینی هه‌بووه‌ و ناوبراو به‌ “موفاجه‌یه‌ جوانه‌که‌” ناوده‌برێت، له‌ته‌واوی ڕووبه‌ڕوبونه‌وه‌ تاکه‌ که‌سیه‌کاندا سه‌رکه‌وتو بووه‌.
  • کۆرتوا بێڕکابه‌ر سه‌ره‌کیه‌: کۆرتوا زیاتر له‌لایه‌ن سۆلاریه‌وه‌ متمانه‌ی پێدراوه‌، به‌پێچه‌وانه‌ی لوپێتگی-یه‌وه‌ له‌ڕووبه‌ڕوبونه‌وه‌کانی جامی ئیسپانیا و خولی ئیسپانیا وه‌ک گۆڵپارێزی یه‌که‌م مامه‌ڵه‌ی له‌گه‌ڵ کردووه‌ و به‌ته‌واوی کیکۆ کاسیای له‌ پلانه‌کانی ده‌رکردووه‌، ئه‌وه‌ش که‌ بۆ کیلۆر ناڤاس ده‌مێنێته‌وه‌ ته‌نها خولی یانه‌ پاڵه‌وانه‌کانه‌، ئه‌ویش ئه‌گه‌ر ئه‌و چانسه‌ به‌رده‌وام بێت.
  • ڤینیسیۆز له‌ خه‌ونه‌وه‌ بۆ ڕاست: له‌سه‌رده‌می سۆلاری-دا گرنگی زیاتر به‌تواناکانی ڤینیسیۆز جونیۆر دراوه‌ و له‌زۆرینه‌ی ڕووبه‌ڕوبونه‌وه‌کاندا به‌شداربووه‌، له‌ئێستادا خه‌ونی پێگه‌یاندنی گه‌وهه‌ره‌که‌ به‌هێزتره‌ و چاوه‌ڕوان ده‌کرێت ڕۆڵی زیاتر وه‌ربگرێت.

  • پلانی (٤ – ٣ – ٣) به‌ لوکاسه‌وه‌: لوکاس ڤاسکێز له‌لایه‌ن لوپێتیگیه‌وه‌ به‌ته‌واوی پشتگوێ خراوه و نزیکبووه‌ له‌ جێهیشتنی یانه‌‌، به‌ڵام له‌سه‌رده‌می سۆلاری دووباره‌ متمانه‌ی پێدراوه‌، هه‌ر کاتێک یانه‌که‌ پلانی (٤ – ٣ – ٣) به‌کارده‌خات، ئه‌م ئه‌ستێره‌ ئیسپانیه‌که‌ له‌ باڵێکی هێرشبه‌ریه‌وه‌ ڕۆڵی گه‌وره‌ی پێده‌درێت.
  • خاڤی سانچێز موفاجه‌ئه‌ی دووه‌م: به‌وپێیه‌ی سۆلاری ڕاهێنه‌ری لاوانی ڕیاڵ مه‌درید بووه‌ یاریزانه‌ لاوه‌کان باشتر ده‌ناسێت، توانیویه‌تی متمانه‌ به‌ خاڤی سانچێزی به‌هره‌مه‌ند بدات و ئه‌ویش هاوشێوه‌ی ڕیگۆلۆن چاوه‌ڕوانی داهاتویه‌کی پرشنگداری لێده‌کرێت.
  • سیبالۆس له‌پاڵ ئاسینسیۆ و ئیسکۆ: سۆلاری به‌شێوه‌یه‌کی هاوسه‌نگ مامه‌ڵه‌ی ناوه‌ند و هێرشبه‌ره‌ ئیسپانیه‌کانی کردووه‌، دانی سیبالۆس نمونه‌یه‌کی ڕاسته‌قینه‌یه‌ که‌ له‌لایه‌ن لوپێتیگی-یه‌وه‌ گرنگی پێنه‌دراوه‌ و ته‌نها له‌یه‌ک ڕووبه‌ڕوبونه‌وه‌دا کاریگه‌ر نه‌بووه‌، به‌ڵام سۆلاری له‌کورسی یه‌ده‌گه‌وه‌ وه‌ک یه‌کێک له‌ ئه‌ستێره‌ گرنگه‌کان مه‌مه‌ڵه‌ی له‌گه‌ڵدا کردووه‌ و حاڵی حازر کاراتر له‌ ڕووبه‌ڕوبونه‌وه‌کاندا ده‌رده‌که‌وێت.
  • بنزیمه‌ دووباره‌ چنگ له‌ڕکابه‌ران ده‌دات: سۆلاری به‌هۆی پێکانه‌وه‌ چانسی تاقیکردنه‌وه‌ی ماریانۆ دیازی نه‌بووه‌، له‌هه‌مان کاتدا متمانه‌ی یه‌کلاکه‌ره‌وه‌ی به‌ که‌ریم بنزیمه‌ی فه‌ره‌نسی هه‌یه‌ و به‌و شێوازه‌ نوێیه‌ی یاریی پێده‌که‌ن هێرشبه‌ره‌ فه‌ره‌نسیه‌که‌ گه‌ڕاوه‌ته‌وه‌، گۆڵه‌ ناوازه‌که‌شی به‌رامبه‌ر سێلتا ڤیگۆ و هه‌وڵدانه‌ به‌رده‌وامه‌کانی به‌ڵگه‌یه‌کی زیندون.
بەردەوام بە لە خوێندنەوە

ڕاپۆرت و شیکاری

(پڕۆسه‌ی لاوان وه‌ستاوه‌) چاره‌سه‌ری کێشەکانی هەڵبژاردەی ئه‌ڵمانیا لەشاری میونشنه‌ نەک بەرلین

خه‌ڵک سپۆرت – ژیر هۆشیار

‎بەردەوامبونی کێشەکان و چارەسەر نەکردنیان له‌دوای ڕووداوە چاوەروان نەکراوەکانی مۆندیال و ئه‌و کاره‌ساته‌ی بەسەر هەڵبژاردەی ئەڵمانیا هات، کێشه‌کانی قوڵتر کرده‌وه‌ و هێندەی تر ڕەخنەکانی بۆ سەر ئەڵمانیا و دەستەی بەرێوه‌بردن و یەکێتی تۆپی پێی وڵاته‌که‌ی زیاد کرد.

‎لەم بارودۆخەی ئێستای ئه‌ڵمانیا چەندین کەسایەتی و کۆسپی تر بونیان هه‌یه‌ زیاتر و زیاتر به‌رده‌وامیان به‌ کێشه‌کان داوه‌، زۆرینە خودی یواکیم لۆوڤی راهێنەر بە هۆکاری ئەم کێشانە دەزانن هاوشان له‌گه‌ڵ بێ پلانی یەکێتی تۆپی پێی ئەڵمان که‌ نه‌یتوانیوه‌ ڕاهێنه‌رێکی نوێ دابین بکات، ڕه‌نگه‌ ئەوه‌ی باسکرا رێژەیەکی زۆری گرفتەکان بێت، بەڵام له‌گه‌ڵ ئه‌وه‌شدا تاکه‌ هۆکار نییه‌ و دیاریترین و ئەکتیڤترین هۆکاره‌کان ئه‌مانه‌ی خواره‌وه‌ن:

ئاستی یانه‌ گه‌وره‌کان

‎یانە زلهێزەکه‌ و سەرۆک و بەرێوبەرانی یانه‌کانی ئه‌و وڵاته‌ که‌ یانه‌ی بایرن میونشنە هۆکاری ئەم ئەنجامەی ئێستای ئه‌ڵمانیان، بەشێوەیەکی گشتی ئاست و ئەنجامی هەر هەڵبژاردەیەک تاڕاده‌یه‌ک بەستراوەتەوە بە یانەی یەکەمی ئەو وڵاته‌، نزیکترین نمونە ئیسپانیای ساڵی ٢٠١٠یه‌ که‌ بەهۆی ئه‌وه‌ی له‌ سه‌رده‌می زێڕینی بارسیلۆنادا بوون ئەنجامی ناوازەیان به‌ده‌ستهێنا، بەڵام لە ساڵی ٢٠١٤ بەهۆی دابەزینی ئاستی یانه‌ که‌ته‌لۆنیه‌که‌ دووچاری هەمان دەردی ئێستای ئه‌ڵمانیا هاتن، بەهەمان شێوەش ئیتاڵیای دوایی 2010 بەهۆی کەوتنی میلانی مەزن، نمونه‌یه‌کی تر خودی هه‌ڵبژارده‌ی ئه‌ڵمانیایه‌ که‌ لە ٢٠١٤ به‌هۆی ئاست بەرزی بایرنه‌وه‌ توانیان جیهان سه‌رسام بکه‌ن.

ئاستی تاکه‌ که‌سی یاریزانان

‎دابه‌زینی ئاستی یاریزانه‌ ئه‌ڵمانیه‌کان له‌ یانه‌ زه‌به‌لاحه‌که‌ی “بۆندزلیگ” و پەککەوتنی ئەکادیمیای باڤاری و ڕاوه‌ستانی پڕۆسه‌ی به‌رهه‌مهێنانی لاوان، بە یەکێکی تر لە هۆکارە هەرە کاریگەرەکان داده‌ەنرێت، به‌وپێیه‌ی چه‌ندین ساڵه‌ ئه‌و یانه‌یه‌‌ و ئاستی فه‌ردی یاریزانه‌کانیان کاریگه‌ریان له‌سه‌ر ئاستی هه‌ڵبژارده‌ی مه‌کینه‌کان ده‌بێت له‌پاڵه‌وانێتیه‌کاندا.

پشتگوێخستنی یاریزانه‌ خۆماڵیه‌کان

‎یه‌کێکی تر له‌ خاڵه‌ لاوازه‌کان به‌هه‌مان شێوه‌ په‌یوه‌ندی به‌ بایرنه‌وه‌ هه‌یه‌ و کاریگه‌ری له‌سه‌ر “ناسیوناڵ مانشافت” کردووه‌، ئه‌ویش ئه‌وه‌یه‌ که‌ لەدوای ساڵی ٢٠١٣ وازیان لە په‌یڕه‌وکردنی “سیاستی به‌ ئه‌ڵمانی کردن”، یاخود ڕاکێشانی ئەستیرە ئەڵمانیەکانی نێو خولی “بۆندزلیگ” هێنا و ڕێگه‌یان بۆ ڕه‌وکردنی ئەستێرە خۆماڵیه‌کان داوه‌ بۆ دەرەوەی وڵات، بۆنمونه‌: له‌ ڕابردودا سه‌رۆکایه‌تی یانه‌ ئاماده‌ نه‌بووه‌ بۆ له‌گه‌ڵ دراکسلەر، سانێ، گوندوگان ئیمزا بکات، بەم دواییەش پێدەچێت دووبارە یانەکە هەریەکە لە براندت و ڤێرنەر و تاهه و چەندان لاوی به‌هره‌مه‌ندی خۆماڵی لەدەست دەربچێت، ئه‌وه‌ش وا ده‌کات لاوان ڕووبکه‌نه‌ یانه‌ زه‌به‌لاحه‌کانی ئینگلته‌را و ئیسپانیا و ئیتاڵیا و فه‌ره‌نسا و کەمتر سود بەتۆپی پێی وڵاتەکە بگەیەنن.

کاردانه‌وه‌ی ئه‌م پڕۆسه‌ پێچه‌وانه‌یه‌ش له‌سه‌ر تۆپی پێی ئه‌ڵمانیا به‌هێز ده‌بێت و یانه‌ بیانیه‌کان ڕێگه‌ به‌ ئه‌ستێره‌کانیان نادات ته‌واوی کاتی خۆیان بۆ خزمه‌تی وڵاته‌کانیان ته‌رخان بکه‌ن، ئه‌وه‌تا دەنگۆکان ئاماژە بەوە ده‌ەکەن که‌ گواردیلا ڕێگربووە لە بەردەم لۆوڤدا و گڵۆپی سه‌وزی بۆ دانه‌گیرساندووه‌ لیرۆی سانێ بۆ هەردوو پاڵەوانێتی جامی کیشوەرەکان و مۆندیال بانگێشت بکات.

ڕکابه‌رانی بایرن بۆشاییه‌که‌ پڕ ناکه‌نه‌وه‌

به‌گشتی ناکرێت تەنها دەستەی بەرێوبردنی ئەو یانەیە بەهۆکار بزانین، بەڵکو لەگەل دواکەوتنی بایرنیشدا یانە رکابەره‌کانیشی نەیانتوانیوه‌ بۆشاییه‌که‌ پڕبکه‌نه‌وه‌ و ببنە شوێنگرەوەی “یانه‌ هۆلیودیه‌که‌”، یانەکانی دۆرتمۆند و شالکه‌ لەم چەند ساڵەی ڕابردودا کەمترین رێژەی یاریزانیان لە نێو پێکهاتەی ئه‌ڵمانیا هەبووە، بۆیه‌ کاتێک بایرن هه‌مان سیاسه‌تی ئه‌و یانانه‌ی په‌یڕه‌و کرد و گرنگیدانی بە یاریزانە خۆماڵیه‌کان پشتگوێخست و ئه‌نجامه‌که‌شی که‌وتنی ئه‌ڵمانیا و ئه‌وه‌بوو له‌مۆندیال و دوای مۆندیالی ڕوسیا به‌سه‌ریاندا هات.

چاره‌سه‌ر چییه‌؟

‎ تاکە چارەسەر بۆ گەرانەوەی ئه‌ڵمانیا بۆ سەر رێچگەی جارانی ئەوەیە کە سەرەتا بایرن میونشن دەست بە نوێبونەوە بکات، دواتریش یانە زه‌به‌لاحه‌کانی تری ئه‌ڵمانیا بە هاوکاری یەکێتی  تۆپی پێی وڵات گرنگی به‌ئەکادیمیای شارەکان بده‌ن، چیتر پێویسته‌ پڕۆسه‌ی وه‌به‌رهێنان و پێگه‌یاندنی لاوان به‌هێزه‌وه‌ زیندو بکرێته‌وه‌، وه‌ک سه‌ره‌تایه‌کیش پێویسته‌ ئه‌م هه‌نگاوه‌ بنرێت تا کۆی پڕۆسه‌که‌ به‌گشتی بوژاندنه‌وه‌ به‌خۆیه‌وه‌ ببینێت.

چه‌ند وه‌رزێکه‌ یانه‌ زه‌به‌لاحه‌کانی ئه‌ڵمانیا له‌ خولی یانه‌ پاڵه‌وانه‌کانی ئه‌وروپا و خولی ئه‌وروپی تاڕاده‌یه‌ک ئاستیان دابه‌زیوه‌، به‌ڵام شکۆیان نه‌شکاوه‌ و هیوایه‌ک هه‌بووه‌ بۆ گه‌ڕانه‌وه‌یان له‌نێوه‌نده‌ ئه‌وروپیه‌کاندا، بۆیه‌ ئه‌وه‌ش هیوا به‌ گه‌ڕانه‌وه‌ی “ناسیوناڵ مانشافت” ده‌به‌خشێت.

‎له‌لایه‌کی تر و له‌سه‌ر ئاستی هه‌ڵبژارده‌که‌شدا پێویسته‌ نوێکاری لە دەستەی به‌ڕیوه‌به‌ری مه‌شق و ڕاهێنانه‌کان و له‌نێو پۆسته‌کانی یەکێتی ئەڵمانیدا بکرێت، پڕۆسه‌ی نوێکاریه‌که‌ گرنگه‌ گشتگیر بێت و گوێ به‌ناو و نازناوی که‌سایه‌تیه‌کان نه‌درێت، یه‌که‌م هه‌نگاویش که‌ گرنگترینیانه‌ دوورخستنه‌وه‌ی لۆوڤ و دابینکردنی ڕاهێنه‌رێکی لاوه‌ بتوانێت له‌گه‌ڵ سه‌رده‌م و هونه‌ری سه‌رده‌می نوێی تۆپی پێدا خۆی بگونجێنێت.

بەردەوام بە لە خوێندنەوە

ڕاپۆرت و شیکاری

 (ئه‌مشه‌و هانده‌ری کێن؟) (١٦) یاریزان له‌ژیانی وه‌رزشیاندا به‌درێسی ئینته‌رمیلان و به‌رشلۆنه‌وه‌ یارییان کردووه‌

خه‌ڵک سپۆرت

ئه‌مشه‌و له‌ میانی ڕووبه‌ڕوبونه‌وه‌کانی گه‌ڕی سێیه‌می قۆناغی کۆمه‌له‌کانی چامپیۆنز لیگ، یانه‌ی به‌رشلۆنه‌ له‌ یاریگای “کامپ نو” میوانداری یانه‌ی ئینته‌رمیلانی ئیتاڵی ده‌کات.

ڕووبه‌ڕوبونه‌وه‌که‌ به‌بێ لیۆ مێسی ئه‌نجام ده‌درێت، له‌به‌رامبه‌ردا ئه‌ستێره‌کانی “نێراتزۆری” زۆرینه‌یان ئاماده‌ ده‌بن و له‌پێکهاته‌ی لوچیانۆ سپالێتی ته‌نها گومان له‌سه‌ر به‌شداریکردنی ڕادگا ناینگۆلانی به‌لجیکی هه‌یه‌‌.

له‌ڕووی مێژووییه‌وه‌ ئه‌م دوو یانه‌ زه‌به‌لاحه‌ هه‌میشه‌ ململانێی قورس و ئێسک شکێن له‌نێوانیاندا ڕوویداوه‌، له‌لایه‌کی تریشه‌وه‌ له‌بازاڕی گواستنه‌وه‌کاندا ڕکابه‌ری سه‌رسه‌خت بوون و چه‌ندین ئه‌ستێره‌ و ئه‌فسانه‌ی ناودار له‌ژیانی وه‌رزشیاندا توانیویانه‌ به‌درێسی هه‌ردوو یانه‌وه‌ یاریی بکه‌ن، گرنگترینیان ئه‌مانه‌ن:

  • ڕۆناڵدۆ نازاریۆ دالیما: له‌ساڵی ١٩٩٦ بۆ ٩٧ بۆ بارسا یاریی کردووه‌، له‌ ١٩٩٧ تا ٢٠٠٢ درێسی ئینته‌رمیلانی پۆشیوه‌.

  • مایکڵۆس “سێگیدی”: له‌ ساڵی ١٩٥٠ بۆ ٥٢ بۆ به‌رشلۆنه‌ یاریی کردووه‌، له‌ ١٩٤٧ بۆ ٤٩ له‌ڕیزه‌کانی ئینته‌رمیلان بووه‌.

  • لویس سوارێز: له‌ساڵانی ١٩٥٥ بۆ ٦١ درێسی بارسای پۆشیوه‌، له‌ساڵی ١٩٦١ بۆ ٧٠ په‌یوه‌ندی به‌ ئینته‌رمیلانه‌وه‌ کردووه‌.

  • لویس فیگۆ: له‌ ساڵی ١٩٩٥ بۆ ٢٠٠٠ بۆ بارسا یاریی کردووه‌، له‌ ٢٠٠٥ بۆ ٢٠٠٩ درێسی ئینته‌ری پۆشیوه‌.

  • تیاگۆ مۆتا: ١٩٩٩ بۆ ٢٠٠١ له‌ بارسا بووه‌، له‌ساڵی ٢٠٠٩ بۆ ٢٠١٢ دریسی ئینته‌رمیلانی پۆشیوه‌.

  • فرانسیسکۆ کۆکۆ: له‌ساڵی ٢٠٠١ بۆ ٢٠٠٢ له‌ بارسا بووه‌، له‌ ٢٠٠٢ بۆ ٢٠٠٥ درێسی ئینته‌ری پۆشیوه‌.

  • ڕیکاردۆ کواریسما: له‌ساڵی ٢٠٠٣ بۆ ٢٠٠٤ له‌ڕیزه‌کانی به‌رشلۆنه‌ یاریی کردووه‌ دواتر له‌ ٢٠٠٨ بۆ ٢٠١٠ په‌یوه‌ندی به‌ ئینته‌رمیلانه‌وه‌ کردووه‌.

  • ئیدگار داڤیز: له‌ساڵی ٢٠٠٤ بۆ بارسا یاریی کردووه‌، له‌ ٢٠٠٤ بۆ ٢٠٠٥ یاریزانی ئینته‌رمیلان بووه‌.

  • ساموێل ئیتۆ: له‌ ٢٠٠٤ بۆ ٢٠٠٩ یاریزانی بارسا بووه‌، له‌ ٢٠٠٩ بۆ ٢٠١١ په‌یوه‌ندی به‌ ئینته‌ره‌وه‌ کردووه‌.

  • زلاتان ئیبراهیمۆڤیچ: له‌ساڵی ٢٠٠٩ بۆ ٢٠١٠ یاریزانی بارسا بووه‌، پێشتریش له‌ ٢٠٠٦ بۆ ٢٠٠٩ به‌درێسی ئینته‌ره‌وه‌ یاریی کردووه‌.

  • ماکسوێڵ: له‌ساڵی ٢٠٠٩ بۆ ٢٠١٢ بۆ بارسا یاریی کردووه‌، له‌ ساڵی ٢٠٠٦ بۆ ٢٠٠٩ په‌یوه‌ندی به‌ ئینته‌رمیلانه‌وه‌ کردووه‌.

  • مارتن مۆنتۆیا: له‌ساڵی ١٩٩٩ بۆ ٢٠١٢ یاریزانی بارسا بووه‌، دواتر له‌ ٢٠١٢ بۆ ٢٠١٥ په‌یوه‌ندی به‌ نێراتزۆریه‌وه‌ کردووه‌.

  • ڕافینیا ئالکانتارا: له‌ساڵانی ٢٠٠٦ بۆ ٢٠١٢ پاشان ٢٠١٤ بۆ ١٨ له‌ بارسا یاریی کردووه‌ و تائێستاش به‌رده‌وامه‌، له‌ ٢٠١٧/٢٠١٨ به‌شێوه‌ی خواستن له‌ ئینته‌رمیلان بووه‌.

  • ماورۆ ئیکاردی: له‌ ساڵی ٢٠٠٨ بۆ ٢٠١١ له‌ڕیزه‌کانی لاوانی بارسا بووه‌، له‌ساڵی ٢٠١٣وه‌ په‌یوه‌ندی به‌ ئینته‌رمیلانه‌وه‌ کردووه‌ و تائێستا به‌رده‌وامه‌.

  • کیتا باڵدی: له‌ساڵی ٢٠٠٤ بۆ ٢٠١١ یاریزانی به‌رشلۆنه‌ بووه‌، له‌ ساڵی ٢٠١٨وه‌ په‌یوه‌ندی به‌ ئینته‌رمیلانه‌وه‌ کردووه‌.

  • فیلیپی کۆتینیۆ: له‌ساڵی ٢٠١٨ په‌یوه‌ندی به‌ بارساوه‌ کرد، به‌ڵامپێشتر له‌ساڵانی ٢٠١٠ بۆ ١٣ له‌ڕیزه‌کانی ئینته‌رمیلان یاریی کردووه‌.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین