ناوەندی ئاماری ڕێكخراوی مافی مرۆڤی كوردپا لە ڕاپۆرتێكدا كۆی ڕێژەی كوژران و برینداربوونی كۆڵبەرانی لە ١٢ ساڵی ڕابردوودا ڕاگەیاند.
بەپێی ئەم ئامارە لە دوازدە ساڵی ڕابردوودا ١٩٥٦ كۆڵبەر لە ڕۆژهەڵاتی كوردستاندا كوژراون و برینداركراون.
كوژران: ٥٩٤ حاڵەت
بریندار: ١٣٦٢ حاڵەت
بێسەروشوێن: ٥ حاڵەت
ئاماری گشتی؛
٣٦ كەس لەو كۆڵبەرانەی كوژراون و بریندار كراون تەمەنیان كەمتر لە ١٨ ساڵ بووە.
٧٧ لەسەدی ئەم كۆڵبەرانە بە تەقەی ڕاستەوخۆی هێزەكانی كۆماری ئیسلامی كوژراون و بریندار كراون.
كوژران و برینداربوونی كۆڵبەران بەهۆی بەربوونەوە لە بەرزایی بە ڕێژەی ٧لەسەد لە ڕیزی دووهەمدا جێگای گرتووە.
كوژران و برینداربوون بەهۆی تەقینەوەی مین و سەرمابردوویی هەركام بە ڕێژەی ٥ لەسەد لە ڕیزی سێهەمدایە.
شێوازی كوژران و برینداربوونی كۆڵبەران:
كوژران و برینداربوون بە هۆی تەقەی ڕاستەوخۆی هێزە ئەمنییەكان؛ ١٤٠١ حاڵەت.
كوژران و برینداربوون بە هۆی بەربوونەوە لە بەرزایی؛ ١٣٠ حاڵەت.
مردن و گیرۆدەبوون لە بەفر و بۆران و ڕنوو؛ ٨٧ حاڵەت.
كوژران و برینداربوونی كۆڵبەران بە هۆی تەقینەوەی مین؛ ٨٩ حاڵەت.
كوژران و برینداربوونی كۆڵبەران بە هۆی بەربوونەوە بۆ نێو ڕووبار بەتایبەت لەكاتی ڕاوەدوونان لەلایەن هێزەكانەوە؛ ١٧ حاڵەت.
برینداربوونی كۆڵبەران بە هۆی لێدان و توندوتیژییەوە؛ ٢٧ حاڵەت.
كوژران و برینداربوونی كۆڵبەران بە هۆی تەقەی هێزە نیزامییەكانی توركیە؛ ١٧ حاڵەت.
كوژران و برینداربوونی كۆڵبەران بە هۆی لێدان و توندوتیژی لەلایەن هێزە ئەمنییەكانی توركیاەوە؛ ١ حاڵەت.
كوژران بە هۆی جەڵتەی دڵ لە كاتی كۆڵبەری‌كردن و كەوتنە ژێر گوشار لە كاتی كۆڵبەریدا؛ ١٧ حاڵەت.
كەوتنی بار بەسەر كۆڵبەراندا لە كاتی كۆڵبەری؛ ١ حاڵەت.
بێسەروشوێن بوون؛ ٥ حاڵەت.
ئیفلیجبوون لە كاتی كۆڵبەریدا؛ ١ حاڵەت.
گازگرتوویی لەنێو چادر لە كاتی كۆڵبەری لە شاخەكاندا؛ ٣ حاڵەت.
برینداربوونی كۆڵبەران بە هۆی ڕووداوی هاتووچۆ لە كاتی كۆڵبەریدا؛ ١٤٧ حاڵەت.
