ئێوارەی دوێنێ هەینی، هەڵبژاردەی ئۆڵۆمپی عیراق ئامادەكارییەكانی تەواوكرد، تا ئەمڕۆ شەممە لە چوارچێوەی كێبڕكێی پاڵەوانێتی نێودەوڵەتی دەوحە، ڕووبەڕووی كۆریای باشوور ببێتەوە.
بەپێی بەیاننامەیەك كە لەلایەن یەكێتی تۆپی پێی عیراقەوە بڵاوكرایەوە”هەڵبژاردەی ئۆڵۆمپی ئامادەكارییەكانی تەواوكردووە بۆ ڕووبەڕووبوونەوەی كۆریای باشوور لە چوارچێوەی كێبڕكێى پاڵەوانێتی نێودەوڵەتی دەوحە و چەند یەكەیەكی مەشقی ئەنجامدا بەسەركرایەتی تیمی ڕاهێنانی هەڵبژاردەكە”.
هەڵبژاردەی ئۆڵۆمپی عیراق لە یەكەم یاریدا لەو پاڵەوانێتییە، ڕووبەڕووی هەڵبژاردەی ڤێتنام بووەوە و توانی بە ئەنجامی 3-0 یارییەكە بباتەوە.
