عێراق دەرچووانی زانكۆكانی هەرێم دادەمەزرێنێت

  • 1,805 بینین

ئەندامێكی كوردی پەرلەمانی عێراق ئاشكرای دەكات، كە وەزارەتی خوێندنی باڵا و ئەنجوومەنی ڕاژەی عێراق بڕیاریانداوە بە دامەزراندنی یەكەمەكانی زانكۆ و پەیمانگاكانی هەرێم و ئەوانەش، كە خاوەنی بڕوانامەی باڵان.

د. بڕیار ڕەشید، ئەندامی پەرلەمانی عێراق لە فراكسیۆنی یەكێتی بۆ (خەڵك) ڕایگەیاند، ئەمڕۆ لە پەراوێزی كۆبوونەوەی هەردوو لیژنەی خوێندنی باڵا و لیژنەی ستراتیژ و پلانی حكومی لەگەڵ هەریەك لە سەرۆكی دامەزراوەی ئەنجوومەنی ڕاژە و وەزیری خوێندنی باڵای حكومەتی فیدڕاڵ گفتوگۆمان كرد سەبارەت بەهەنگاوەكانی دامەزراندنی یەكەمەكانی زانكۆ و پەیمانگاكان حكومەتی هەرێم و خاوەن بڕوانامە باڵاكانی هەرێم.

وتیشی، “وەزیری خوێندنی باڵای عێراق و سەرۆكی ئەنجوومەنی ڕاژە جەختیان كردەوە لەوەی كارەكانیان بەردەوامە بۆ دامەزراندنی یەكەمەكان و بڕوانامە باڵاكان، تەواوی زانیاری ئەم دووچینە لەلایەن وەزارەتی خوێندنی باڵای هەرێمەوە نێردراون بۆ بەغدا”.

وەك ئەو پەرلەمانتارە دەڵێت: سەرۆكی ئەنجوومەنی ڕاژە دڵنیایی دا لەوەی كۆبوونەوەیان لەگەڵ وەزارەتی خوێندنی باڵای هەرێم دەرئەنجامی زۆر باشی هەبوو و پێی وتین لە ئایندەیەكی نزیكدا وەڵامێكی دڵخۆشكەرتان دەدەینەوە.

بەرپرسێكی باڵای هەواڵگری كورد كوژرا
پێشت بەرپرسێكی باڵای هەواڵگری كورد كوژرا
داوا لە وەزیری پەروەردە دەكرێت بۆ مانگی ڕەمەزان دەوام كەم بكرێتەوە
دواتر داوا لە وەزیری پەروەردە دەكرێت بۆ مانگی ڕەمەزان دەوام كەم بكرێتەوە
پەیوەندیدار