ئەو كەسەی سووكایەتی بە نەخۆشێكی دەروونی دەكات دەستگیركرا

  • 340 بینین

بەڕێوەبەرایەتی پۆلیسی پارێزگای سلێمانی ئاشكرای دەكات، ئەو تۆمەتبارەی سوووكایەتی بە كەسێكی دەروون نەخۆش كردووە و لێی داوە، دەستگیركرا.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، دوای ئەوەی گرتە ڤیدیۆیەك لە تۆڕە كۆمەڵایەتییەكان بڵاوبووەوە، كە وا تۆمەتبارێك هێرش دەكاتە سەر كەسێكی دەروون نەخۆش و لێی دەدات، بەڕێوەبەری پۆلیسی سلێمانی، بنكەی پۆلیسی سەرای ڕاسپارد، كە بەدواداچوون و لێكۆڵینەوەی بەپەلە بكەن بۆ دۆزینەوە و دەستگیركردنی تۆمەتبار.

ڕاشیگەیاندووە، دوای گەڕان و بەدواداچوونەكان توانرا تۆمەتبار بدۆزرێتەوە و لەلایەن بنكەی پۆلیسی سەرا دەستگیربكرێت، كە هێرشی كردبووە سەر هاووڵاتییەكی دەرون نەخۆش بەناوی (د،ع،ع ) و لێی دابوو.

جەختیشی كردۆتەوە، لە ئێستادا تۆمەتبار بەبڕیاری دادوەر ڕاگیراوە و لێكۆڵینەوە لەگەڵیدا بەردەوامە.

بەدوای یەكدا 29 بوومەلەرزە ڕوویاندا
پێشت بەدوای یەكدا 29 بوومەلەرزە ڕوویاندا
وەزارەتی دارایی: زیاتر لە 4 هەزار خانەنشین و فەرمانبەر دوو مووچەیان هەبووە
دواتر وەزارەتی دارایی: زیاتر لە 4 هەزار خانەنشین و فەرمانبەر دوو مووچەیان هەبووە
پەیوەندیدار