ئەمڕۆ بڕی 50 دینار لە نرخی نەوت و گاز و غاز لە شاری سلێمانی دابەزی.
بەهمەن قادر، وتەبێژی بەنزینخانەكانی سلێمانی بە (خەڵك)ی ڕاگەیاند، ئێستا نرخی نەوتی سپی و گاز و غاز بۆ هەر یەكێكیان 50 دینار دابەزی.
ئاماژەی بە ئەوەش كرد، ئێستا نرخی لیترێك گازوایل لە 950 دینارەوە بوو بە 900 دینار، نەوتیش لە 950 ەوە بوو بە 900 دینار، غاز لە 650 دینارەوە بووە بە 600 دینار.
سەبارەت بە هۆكاری دابەزینی نرخەكان، بەهمەن قادر وتی، هۆكارەكەی ئەوەیە كە بەهۆی گۆڕانی كەشوهەواوە خواست لەسەریان كەمبوەتەوە.
