دوانیوەڕۆی ئەمڕۆ لە سەر ڕێگای دهۆك ڕووداوێكی سەختی هاتووچۆ ڕوویدا و بەهۆیەوە كەسێك گیانی لەدەستدا و 6 كەسی دیكە بریندار بوون.
دوانیوەڕۆی ئەمڕۆ سێ شەممە، لە نزیک گوندی ئه‌ڤریكێ لە پارێزگای دهۆک ڕووداوێکی هاتوچۆ لەنێوان چوار ئۆتۆمبێل ڕوویدا.
بەپێی زانیارییەكان، بەهۆی ڕووداوەكەوە کەسێک گیانی لەدەستدا و 6 کەسی دیکەش برینداربوون.
ئەمە لەكاتێكدایە، كە لە ماوەی هەفتەیەكدا بەهۆی ڕووداوەكانی هاتووچۆوە زیاتر لە 20 كەس بریندار بوون و چەند كەسێكیش گیانیان لەدەستدا، كە یەكێك لە ڕووداوەكان لە سەر ڕێگای دەربەندیخان 4 كەس گیانیان لەدەستدا و كەسێك بریندار بوو، هەروەها لە زینی وەرتێ بەهۆی وەرگەڕانی ئۆتۆمبێلەوە 5 كەس گیانیان لەدەستدا و كەسێك بریندار بوو، هاوكات لە وەرگەڕانی پاسێكدا 18 كەس بریندار بوون.
