ئەنجومەنی ڕاوێژكاری پارێزگای هەڵەبجە ڕایدەگەیەنێت ، بەمەبەستی تێپەڕاندنی دۆخی فەرامۆشكراوی پارێزگاكەیان، سبەی خۆپیشاندانێكی جەماوەری بەرفراوان بەڕێوە دەبەن.
ئەنجومەنی ڕاوێژكاری پارێزگای هەڵەبجە لە ڕاگەیەنراوێكدا بڵاویكردەوە، سبەی سێ شەممە 14ی 3ی 2023 بەمەبەستی تێپەڕاندنی دۆخی فەرامۆشكراوی پارێزگاكەیان، خۆپیشاندانێكی جەماوەری بەرفراوان بە بەشداری تەواوی چین و توێژەكان بەڕێوەدەبەن.
ئاماژە بۆ ئەوەشكراوە، كە خۆپیشاندانە جەماوەرییە بەرفراوانەكە لە كاتژمێر 3:30 خولی پاشنیوەڕۆ لە سێ ڕێیانی “عومەری خاوەر” بۆ بەردەم باخی گشتی دەبێت، بۆیە بەشداری هاووڵاتیانی شارەكە ئومێد و ئاییندەیەكی باشتر بۆ پارێزگاكە دابین دەكات.
