قائیمقامیەتی قەزای دەربەندیخان رایگەیاند، بۆ دروستنەبونی ڕووداوی هاتووچۆ ئامێر و پێداویستی بۆ چارەسەرکردنی کێشەی رژانی ڕۆنی ڕەش ڕەوانەی بەردەم گوندی چنارە کراوە لەسەر ڕێگای گشتی دەربەندیخان – زەڕایەن.
لە راگەیەندراوێکدا قائیمامیەتی دەربەندیخان بڵاویکردووەتەوە، لەدوای ئاگاداکردنەوەیان بە ڕژانی ڕۆنی ڕەش لەسەر ڕێگای گشتی دەربەندیخان -زەڕایەن لە بەردەم گوندی چنارە بە درێژای نزیکەی (600) م بۆ دروستنەبونی گرفت و ئاستەنگی هاتووچۆ ئامێر و پێداویستی بۆ چارەسەرکردنی کێشەکە ڕەوانەکرا.
دەشڵێت:” توانرا بەهاوکاری پۆلیسی هاتووچۆی قەزای دەربەندیخان مەترسی دروستبوونی ڕووداوی هاتووچۆ کەمبکرێتەوە لەسەر ڕێگاکە”.
