بەڕێوەبەرایەتی ئاسایشی گەرمیان ڕایدەگەیەنێت، لەلایەن هێزەكانیانەوە توانیان باندێكی قاچاخچی چەك دەستگیربكەن، كە كاریان گواستنەوەی چەك و تەقەمەنی بوو بەشێوەیەكی نایاسایی، دەستیش بەسەر ٢١٣ پارچەدا گیرا.
بەڕێوەبەرایەتی ئاسایشی گەرمیان لە ڕاگەیەنراوێكدا بڵاویكردەوە، دوای كۆكردنەوەی زانیاری لەلایەن هێزەكانیانەوە لەسەر بوونی باندێكی قاچاخچی، كە كاریان گواستنەوەی چەك و تەقەمەنی بوو بەشێوەیەكی نایاسایی، بە بڕیاری دادوەر لەماوەیەكی كەمدا توانیان دووكەس دەستگیربكەن، دەستیش بەسەر ٢١٣ پارچە دەمانچەدا بگرن.
ئاماژەی بۆ ئەوەشكردووە، ئەو باندە مەبەستیان بوو بەشێوەیەكی قاچاخ ڕەوانەی دەرەوەی هەرێمی كوردستانی بكەن، لەئێستادا بەبڕیاری دادوەر، بەپێی ماددەی ٢١ی چەك راگیراون، لێكۆڵینەوەش لەگەڵیاندا بەردەوامە.
