سەرۆكوەزیرانی عێراق بەسەرۆكایەتی شاندێكی باڵای حكوومی بەرەوە ئەڵمانیا بەرێكەوتووە.
نووسینگەی راگەیاندنی سەرۆكوەزیرانی عێراق لە راگەیەندراوێكدا ئاماژەی بەوەداوە كە ئەمڕۆ پێنجشەممە محەمەد شیاع سوودانی بەسەرۆكایەتی شاندێكی باڵای حكوومی بەرەوە ئەڵمانیا بەرێكەوتووە، ئەوەیش بەمەبەستی بەشداریكردن لە 59مین كۆنگرەی ئاسایشی میونخ.
ئاماژە بۆ ئەوەشكراوە، كە بڕیارە لە 17 ئەم مانگە بە بەشداری ژمارەیەكی زۆر لە سەركردەكانی جیهان، كۆنگرەی ئاسایشی میونخ لە ئەڵمانیا دەست پێ دەكات و تا 19ی ئەم مانگە بەردەوام دەبێت و هاوكات لە میانی كۆنگرەكەدا، ژمارەیەك پرسی پەیوەست بە ئاسایشی جیھان دەخرێنە بەرباس.
