یەكێتی خولی ئیسپانی، سوكایەتی ڕگەزپەرستی دژ بە ڤینسیۆس جۆنیۆر ئەستێرەی ڕیاڵ مەدرید، دەخاتە خانەی ئەو هەڵسوكەوتانەی كە لە گەڕی 20ی لالیگادا سزای دەبێت.
بەپێی بەیاننامەیەك كە لەسەر پێگەی فەرمی لالیگا بڵاوكرایەوە”سوكایەتی ڕەگەزپەرستی دژ بە ڤینسیۆس جۆنیۆر ئەستێرەی ڕیاڵ مەدرید كە لە یاریگای ڤیز مایۆركا ڕوویدا، لە لیستی ئەو دروشم و هەڵسوكەوتانەیە كە لە گەڕی 20ی لالیگادا سزای دەبێت”.
هەر لە بەیاننامەكەدا هاتووە”ئەو سوكایەتیانەی ئیشبیلیەش لە یاریگای كامپ نۆ ڕووبەڕووی بۆوە، بە هەمان شێوە دەچێتە ئەو خانەیەوە”.
لالیگا دەڵێت”سوكایەتییەكان بەرامبەر بە سیلتا فیگۆ و ئیاجۆ ئەسپاسی كاپتنی تیپەكە لە یاریگای بینیتۆ ڤیامارین، لە چوارچێوەی هەمان ئەو ڕووداوانەدایە”.
