لوتكەی جیهانی حكومەتەكان لەژێرناوی “سیمای حكومەتەكانی داھاتوو” لە دوبەی دەستیپێكرد.
ئەمڕۆ دووشەممە 13/2/2023، بە بەشداری مەسرور بارزانی سەرۆكی حكومەتی هەرێمی كوردستان لوتكەی جیهانی حكومەتەكان لەژێرناوی “سیمای حكومەتەكانی داھاتوو” لە دوبەی دەستیپێكرد.
دەستپێكی لوتكە بە وەستانی ساتێك بێدەنگی بۆ قوربانیانی بوومەلەرزەكەی باكوور و ڕۆژئاوای كوردستان، توركیا و سووریا دەستیپێكرد.
بەپێی زانیارییەكان، ئەمڕۆ مەسرور بارزانی سەرۆكی حكومەتی هەرێمی كوردستان لە چوارچێوەی بەشداریكردن لە لوتكەی جیهانی حكومەتەكان وتارێك پێشكەشدەكات و كۆمەڵێك دیداری لەگەڵ سەرۆك و نوێنەری وڵاتان دەبێت.
