ئەو ڕەشەبا ساردەی دوو ڕۆژە ناوچەكانی هەرێمی گرتۆتەوە دوای شەپۆلی بەفر بارین، كۆتایی دێت و شارەزایەكی كەشناسی دەڵێت: “باران بارین چەند ناوچەیەك دەگرێتەوە و ئەگەری بەفر بارین لەناوچە شاخاوییەكان هەیە”.
ئاراس جەبار، شارەزای كەشناسی بۆ (خەڵك) ڕایگەیاند، لە ئەنجامی کاریگەری نزمەپاڵەپەستۆی دەریای ناوەراست، سبەی یەک شەممە ١٢-٢-٢٠٢٣ ئاسمانی ھەرێمی کوردستان بە زۆری دەگۆڕێت بۆ ھەوری تەواو لەگەڵ بارینی نمە باران لەھەندێک کات و ناوچەدا.
ڕاشیگەیاند، لەناوچە شاخاوییەکان بەفر بارینی پچڕ پچڕ ئەبێت بەِرێژەیەکی کەم بۆ مامناوەند و پلەکانی گەرما ١ تا ٢ پلە نزم دەبنەوە و خێرایی با لەسەرخۆ ئەبێت .
ئاماژەی بەوەشكرد، کاریگەری ئەم شەپۆلە لەکاتەکانی شەودا کۆتایی پێدێت و بۆ ڕۆژی دوو شەممە ١٣-٢-٢٠٢٣ کەش سەقامگیر ئەبێت.
