دەستەی كەشناسی عیراق پێشبینی دەكات، لەم هەفتەیەدا پلەكانی گەرما ڕوو لە نزمبوونەوە بكەن، بارینی باران و “بەفریش لە ناوچە شاخاوییەكاندا” هەبێت.
بەپێی بەیاننامەیەك كە لەلایەن دەستەی كەشناسیی عیراقەوە بڵاوكرایەوە”لە ڕۆژی شەممەوە پلەكانی گەرما كەمێك نزمدەبنەوە و لە ناوچەكانی هەرێمی كوردستان ئاسمان نیمچە هەور دەبێت و نمە باران دەبێت، ئەگەری بارینی بەفریش هەیە لە ناوچە شاخاوییەكان”.
كەشناسی عیراق دەڵێت”ڕۆژی یەك شەممە، ئاسمان هەور دەبێت، باران لە ناوچەكانی هەرێمی كوردستان دەبارێت و بەفریش لە ناوچە شاخاوییەكان دەبارێت”.
وەك كەشناسی عیراق باسی دەكات” لە ڕۆژی دوو شەممەدا ئاسمان نیمچە هەور دەبێت و ئەگەری بارینی نمە باران هەیە لە ناوچەكانی هەرێمی كوردستان، لە ڕۆژی سێ شەممەشدا، ئاسمانی هەرێمی كوردستان نیمچە هەور دەبێت”.
