وەزارەتی دارایی حكومەتی فیدراڵ، دەستكردن بە پارەداركردنی مووچەی خانەنشینانی سەربازی و مەدەنی بۆ مانگی شوبات، ڕادەگەیەنێت.
بەپێی بەیاننامەیەك كە لەلایەن وەزارەتی دارایی حكومەتی فیدراڵەوە بڵاوكرایەوە”فەرمانگەی ژمێریاری دەستیكرد بە پارەداركردنی مووچەی خانەنشینانی مەدەنی و سەربازی بۆ مانگی شوبات”.
هەر لە بەیاننامەكەدا هاتووە”ئیدارەكانی هەردوو بانكی ڕافیدەین و ڕەشید و دەستەی خانەنشینی نیشتمانی دەبێت پەلە بكەن لە تەواوكردنی ڕێكارەكان بۆ دابەشكردنی مووچەی خانەنشینانی مەدەنی و سەربازی لەڕێی كارتی ئەلیكترۆنی”.
وەزارەتی دارایی حكومەتی فیدراڵ، داوای لە هەموو خانەنشینە مەدەنی و سەربازییەكان كرد، ئەوانەی “ئێس ئێم ئێس”یان پێدەگات، سەردانی لقەكانی بانكەكان بكەن لە بەغدا و پارێزگاكان، بۆ مەبەستی وەرگرتنی مووچەكانیان.
