ڕووبەڕووبوونەوە لەنێوان هێزێكی پۆلیس و چەند ڕاوچییەك ڕوویدا


 

ئێوارەی ئەمڕۆ تەقە و ڕووبەڕووبوونەوە لەنێوان هێزێكی پۆلیس و چەند ڕاوچییەك لە سنووری دەربەندیخان ڕوویدا و برینداری لێكەوتەوە.

بەپێی زانیارییەكانی (خەڵك) كە لە سەرچاوەیەكەوە پێی دراوە، لەسەر شاخی زمناكۆ لە دەربەندیخان ڕووبەڕووبوونەوە لەنێوان هێزێكی پۆلیسی دارستان و چەند ڕاوچییەك ڕوویداوە، كە بۆ ڕاو چوونەتە ئەو ناوچەیە.

سەرچاوەكە وتیشی، “بەهۆی تەقە و ڕووبەڕووبوونەوەی ئەو ڕاوچیانە لەگەڵ هێزەكەی پۆلیس، دوو كارمەندی پۆلیس بریندار بوون و یەكێك لە بریندارەكان بەهۆی سەختی برینەكەیەوە ڕەوانەی نەخۆشخانەی سلێمانی كراوە”.

ئاماژەی بەوەشكرد، ئێستاش ڕووبەڕووبوونەوەكە بەردەوامە و ئەو كەسانە بۆ ڕاو چوونەتە ئەو ناوچەیە.

بودجەی 2023 تروسكایی ئومێدێك بۆ ڕێككەوتنی هەولێر و بەغدا
پێشت بودجەی 2023 تروسكایی ئومێدێك بۆ ڕێككەوتنی هەولێر و بەغدا
لە عێراق دابەشكردنی مووچەی مانگی 11 دەستی پێكرد
دواتر لە عێراق دابەشكردنی مووچەی مانگی 11 دەستی پێكرد