هەڵبژاردنەكانی توركیا لە مانگی ئایاری ئەمساڵ بەڕێوەدەچێت

  • 69 بینین

سەرۆكی توركیا ڕایدەگەیەنێت ، هەڵبژاردنەكانی توركیا لەناوەڕاستی مانگی پێنج دا بەڕێوەدەچن، لەكاتێكدا مانگێك پێش ئەو كاتەی بۆی دیاریكرابوو و شارەزایانیش باس لەوەدەكەن، كە ڕاپرسییەكان دەریدەخەن هەڵبژاردنەكانی پەرلەمان و سەرۆكایەتی توركیا توند دەبێت.

ئۆفیسی سەرۆكایەتی توركیا ڤیدیۆیەكی بڵاوكردەوە تیایدا ڕەجەب تەیب ئەردۆغان لە میانەی كۆبوونەوەیەكیدا لەگەڵ دەنگدەرانی گەنجدا لە هەرێمی بورسای باكووری ڕۆژئاوای توركیا، ڕێكەوتی هەڵبژاردنەكانی دیاریكرد و ڕایگەیاندووە، كە سوپاسی خودا دەكات ، كە لە تەنیشت ئەو گەنجانەدایە، یەكەمین جارە دەنگ دەدەن، لە هەڵبژاردنێكدا كە 14 ی مانگی پێنج بەڕێوەدەچێت.

شارەزایانی بواری هەڵبژاردن ئاماژە بۆ ئەوەدەكەن، كە هەڵبژاردنەكانی پەرلەمان و سەرۆكایەتی توركیا توند دەبێت، هەروەها گەورەترین تاقیكردنەوەی ئەردۆغان دەبێت لە ماوەی بیست ساڵی دەسەڵاتیدا و ڕابەرایەتیكردنی توركیادا لە ناتۆ و ئابووری وڵاتەكە.

ئەمە لە كاتێكدایە، هەڵبژاردنەكانی پەرلەمان و سەرۆكایەتی توركیا بڕیار بوو لە 18 ی مانگی شەشدا بەڕێوەبچن، بەڵام ئەردۆغان پێشتر ئاماژەی بەوەدا بوو دەكرێت دەنگدانەكە پێش بخرێت.

بانكی ناوەندی نزیكەی 127 ملیۆن دۆلاری خستەبازاڕەوە
پێشتر بانكی ناوەندی نزیكەی 127 ملیۆن دۆلاری خستەبازاڕەوە
سێ کەس لەڕووداوێکی هاتووچۆدا بریندار بوون
دواتر سێ کەس لەڕووداوێکی هاتووچۆدا بریندار بوون
پەیوەندیدار