كۆبانێ: ڕزگاركردنی عەفرین ئامانجی سەرەكیمانە



مەزلوم كۆبانێ، فەرماندەی گشتی هێزەكانی سووریای دیموكرات، ڕایگەیاند، “ڕزگاركردنی عەفرین لەدەست داگیركاری توركیا” یەكێكە لە ئامانجە سەرەكییەكانی هێزەكانیان.

عەبدی لە تویتێكدا ڕایگەیاند، “پرسی عەفرین، گەڕانەوەی كورد، ڕزگاركردنی ناوچەكە لە داگیركاری و پووچەڵكردنەوەی هەوڵەكانی فراوانكردنی داگیركەری توركیا لە ئامانجە سەرەكییەكانمانن”.

هەینی ڕابردوو، پێنجەمین ساڵیادی داگیركردنی شاری عەفرین بوو لەلایەن توركیا و گرووپە چەكدارەكانی ئۆپۆزسیۆنی سووریای سەر بە ئەنقەرەوە، دوێنێ شارەكانی ڕۆژئاوای كوردستان و باكووری سووریا بەم بۆنەیەوە خۆپیشاندانی ناڕەزایەتییان ئەنجامدا بۆ ئیدانەكردنی هێرشەكانی توركیا بۆ سەر ناوچەكە.

كۆبانێ ڕایگەیاند: بەرخۆدانی سەردەم تا سەركەوتن بەردەوام دەبێت، بەرخوودانی سەردەم بە ناوی شەڕی 58 ڕۆژی دژی هێرشی توركیا و گرووپە چەكدارەكانی ئۆپۆزسیۆنی سووریا بۆ سەر عەفرین كراوە.

عەفرین ئێستا لەلایەن توركیا و گروپە چەكدارەكانی سووریای سەر بە ئەنقەره داگیركراوە، بەگوێرەی ڕاپۆرتەكانی نەتەوە یەكگرتووەكان بەردەوام پێشێلكاری لەدژی مافی مرۆڤ تێدا ئەنجام دەدرێت، لەم دواییانەشدا دەستەی ڕزگاری شام كە پێشتر بەرەی نوسرە بووە و سەر بە ڕێكخراوی تیرۆرستی قاعیدەیە، لەناو عەفریندا جێگیربوون.

باندێكی دزینی ئۆتۆمبێل دەستگیركرا
پێشت باندێكی دزینی ئۆتۆمبێل دەستگیركرا
“خۆپیشاندانی دۆلار” هەڕەشە لە سوودانی دەكات
دواتر “خۆپیشاندانی دۆلار” هەڕەشە لە سوودانی دەكات
ەیوەندیدار