نرخى پلیتی یارییەكەی نێوان ڕۆناڵدۆ و مێسی گەیشتە 2.5 ملیۆن دۆلار


 

موشریف غامدی گەورە بازرگانی سعودی، سەركەوتو وبوو لە برەودان بە زیادكردنی فرۆشتنی ئاشكرا بۆ دەستەبەركردنی پلیتی “سەرو خەیاڵ”ی پەیوەست بە یاریی نێوان ڕۆناڵدۆ و مێسی كە ڕۆژی پێنج شەممەی داهاتوو لە ڕیاز سازدەكرێت.

فرۆشتنەكە لە دوو شەممەی ڕابردووەوە خراوەتەڕوو، لە ملیۆنێك ڕیاڵی سعودی (266 هەزار دۆلار)ەوە دەستیپێكردووە، بەر لەوەی بەربەستی دوو ملیۆن و پێنج سەد هەزار دۆلار تێبپەڕێنێت.

پلیتی “زۆر تایبەت” بە 2.5 ملیۆن دۆلار فرۆشرا و ڕێگە بە خاوەنەكەی دەدرێت وێنە لەگەڵ هەردوو ئەستێرە ڕۆناڵدۆ و مێسی و ئەوانی تردا بگرێت و لە ژووری خۆگۆڕین لەگەڵ یاریزانەكاندا بێت و بە هەمان شێوە نانیان لەگەڵ بخوات و خەڵاتی ڕێزلێنان لەنێو یاریگاكەدا پێشكەش بە براوە بكات.

یارییەكە ئەستێرەكانی نەسر و هیلالی سعودیە لەگەڵ یانەی پاریس سان جێرمانی فەرەنسایی كۆدەكاتەوە.

توركی ئال شێخ، بەرپرسی دەزگای كاتبەسەربردن لە شانشینی عەرەبی سعودیە و خاوەنی یانەی ئەلمێریای ئیسپانی لەسەر تۆڕی تویتەر بڵاویكردبۆوە”چارەكی پارەی پلیتەكان بۆ ڕێكخراوی خێرخوازی ئیحسانە”.

 

 

سامسۆنگ پێشانگای نوێی ئەزموونی دەکاتەوە
پێشت سامسۆنگ پێشانگای نوێی ئەزموونی دەکاتەوە
چوار حزبی كوردستان بەمەرج لەگەڵ ئەنجامدانی هەڵبژاردنن
دواتر چوار حزبی كوردستان بەمەرج لەگەڵ ئەنجامدانی هەڵبژاردنن
پەیوەندیدار