بەڕێوەبەرایەتی بەرگری شارستانی پارێزگای هەولێر ئاشكرای دەكات، ئاگر لە ناو كۆگاكانی تیم مارت كەوتۆتەوە و لەلایەن یتمەكانیانەوە كۆنتڕۆڵ كراوە.
بەڕێوەبەرایەتی بەرگری شارستانی هەولێر لە ڕاگەیەنراوێكدا ئاماژەی بەوەكردووە، لە ناو کۆگاکانی (تیم مارت) لە کاتژمێر۷:۲٠ خوولەکی بەیانی ئەمڕۆ ئاگر كەوتۆتەوە و بەهۆیەوە سێ مۆلیدە و تانکی گازی کارگەی دروست کردنی بۆڕی سووتاون.
ڕاشیگەیاندووە، تیمەکانمان بە خێرایی گەیشتنە شوێنی ڕووداوەكە و ڕێگرییان کرد لە سووتانی کارگەکە و دوو مۆلیدە.
جەختیشی كردۆتەوە، تیمەكانیان بێ زیانی گیانی توانیان کۆنتڕۆڵی ئاگرەكە بکەن.
