سایلۆی سلێمانی هەواڵی هاتنی بڕێک پارەی جوتیارانی ڕاگەیاند.
لە بڵاوکراوەیەکدا سایلۆی سلێمانی بڵاویکردەوە، لەلایەن وەزارتی بازرگانی عێراقەوە چەکێک بە بڕی ٦٧ ملیار دینار ڕەوانەی بەڕێوەبەرایەتیمان کرا . ئاماژەی بەوەشداوە، دوایی تەواو بوونی ڕێکارە یاساییەکان لەنێوان بانکی ناوەندی هەرێم و بانکی ڕافیدین دەست بە دابەشکردنی دەکرێت بەسەر جوتیاراندا .
هاوکات غەریب ئەحمەد پەرلەمانتاری کورد لە بەغدا ڕایگەیاند، وەزارەتی دارایی عێڕاق (٢٥٠) ملیار دیناری (تمویل)ی وەزارەتی بازرگانی عێڕاق كردووە بۆ شەش پارێزگا بەم شێوەیە:
ئەمە لەکاتێکدایە هەفتەی ڕابردوو شاندێکی نوێنەرانی جوتیارانی هەرێم سەردانی بەغدایان کرد و لەگەڵ بەرپرسانی بەغدا کۆبوونەوە بۆ دابینکردنی شایستەکانیان، حکومەتی عێراق دڵنیایی دایە جوتیاران کە کۆیا پارەی شایستەیان بۆ خەرجدەکرێت.
هاوکات جێگری سەرۆکی پەرلەمان ڕایگەیاند، گرفتی نەختینە و نەبوونی سیولە وایکردووە خەرجکردنی پارەی جوتیاران دوابکەوێت.
