پاش نیوەڕۆی ئەمڕۆ بەهای دۆلار پاشەکشەی کرد و نزیکەی هەزار دینار دابەزی.
ئەمڕۆ لەکاتی کردنەوەی بازاڕی دراوەکان لە هەرێم. نرخی 100 دۆلار بەرامبەر 149 هەزار و 850 دینار مامەڵەی پێوەکرا، بەڵام لەکاتی داخستنی بازاڕ نرخەکەی دابەزی.
لە ئێستادا نرخى 100 دۆلار بەرامبەر 148 هەزار و 800 دینار مامەڵەى پێوە دەکرێت و بەوەش بەراورد بە بەیانى ئەمڕۆ نرخى هەر 100 دۆلارێک بە بڕى 1000 دینار دابەزى، هەروەها، 100 دۆلارى ئەمریکى بەرامبەر پێنج ملیۆن و 800 هەزار تمەن ئاڵوگۆڕ دەکرێت.
ماوەی دوو ڕۆژە بەهای دۆلار لە بازاڕەکانی عێراق و هەرێم ڕووی لە بەرزییە، شارەزایەکی ئابووریش دەڵێت هۆکاری سەرەکی ڕاگرتنی پێدانی دۆلارە بەگەشتیاران لە فڕۆکەخانەکاندا.
