پاش نیوەڕۆی ئەمڕۆ جارێکیتر نرخی دۆلار لە 150 هەزار دینار نزیکبووەوە.
ئەمڕۆ چوارشەممە، لەکاتی کردنەوەی بازاڕی دراوەکان لە هەرێم نرخی 100 دۆلار بە 148 هەزار و 200 دینار مامەڵەی پێوەکرا، بەلام کەمێک لەمەوپێش نرخەکەی بەرزبووەوە بۆ نزیکەی 150 هەزار دینار.
لە ئێستادا نرخی 100 دۆلار بەرامبەر 149 هەزار و 250 دینار مامەڵەی پێوەدەکرێت، ئەمەش بە بەراورد بە کاتی کردنەوەی بازاڕ نزیکەی 1000 دیناری چۆتە سەر.
ئەمە لەکاتێکدایە حکومەتی عێراق بەردەوامە لە هەوڵەکانی بۆ دابەزاندنی نرخی دۆلار، و هەر دوێنێش کردنەوەی سەکۆی دۆلار بە گەشتیاران لەناو فڕۆکەخانەکان ڕاگەیەندرا کە دۆلار بە نرخی فەرمی دەدەنە گەشتییاران.
