وەزیری پێشمەرگەی حكومەتی هەرێمی كوردستان ڕایدەگەیەنێت، کێشەی ئەو هێزانە چارەسەر دەکەین، کە بێبەشبوون لە هاوکاری دارایی هاوپەیمانان.
شۆڕش ئیسماعیل، وەزیری پێشمەرگەی هەرێم سەرپەرشتی کۆبوونەوەیەکی باڵای کرد لە نێوان وەزارەتی پێشمەرگە و تیمی ڕاوێژکارانی سەربازیی هاوپەیمانان لە هەرێمی کوردستان.
بەپێی ڕاگەیەنراوی وەزارەتی پێشمەرگە، شۆڕش ئیسماعیل و تیمی هاوپەیمانان باسیان لە کێشەکانی چەند لیوا و فەوجێکی پیادەی وەزارەتی پێشمەرگە کرد، کە بێبەشبوون لەو هاوکارییە داراییەی هاوپەیمانان بە هۆکاری چەند کێشەیەکی ئەمنی و تەکنیکی.
ڕاشیگەیاند، دەبێت بە زووترین کات کێشەکان چارەسەر بکەین و گۆڕانکاری بکەین بە هاوکاری و هەماهەنگی هەموولایەک تاکو پێشمەرگە قارەمانەکان بە گشتیی سوودمەندبن لەو هاوکارییە داراییەی مانگانە دەبەخشرێت بە پێشمەرگە.
وتيشى، “چاكسازیی له وه‌زاره‌تی پێشمه‌رگه پرۆسه‌یه‌كی جدییه و قۆناغی گرنگی ئه‌و پرۆسه‌یه جێبه‌جێكراوه و به هاوكاری و پشتیوانی دۆسته‌كانمان له هاوپه‌یمانی نێوده‌وڵـه‌تی پرۆسه‌كه به‌رده‌وامه، كه ئامانجمان بونیادنانی هێزێكی تۆكمه‌ی نیشتمانییه”.
