بە هۆی مەترسی پەرەسەندنی گرژییەکانی ڕۆژهەڵاتی ناوەڕاست و دەستپێکردنی وەرزی زریانەکانی زەریای ئەتڵەسی، نرخی نەوت لە بازاڕەکانی جیهاندا بەرزبووەوە.
لە دوێنێوە نرخی بەرمیلێک نەوت لە بازاڕەکانی جیهاندا دوو دۆلار بەرزبووەوتەوە و ئەمڕۆ بەرمیلێک نەوتی خاوی برێنت گەیشتە 86 دۆلار و 84 سەنت و نەوتی ئەمریکیش بە 83 دۆلار و 53 سەنتەوە مامەڵەی پێوەدەکرێت.
یەکێک لە هۆکارەکانی هەڵکشانەکەی نرخی نەوت بۆ هەڕەشەکانی ئیسرائیل و ئەگەری هێرشکردنە سەر لوبنان دەگەڕێتەوە.
دەستپێکردنی وەرزی زریانەکانی زەریای ئەتڵەسیش یەکێکی دیکەیە لە هۆکارەکانی بەرزبوونەوەی نرخی نەوت کە لە ئەگەری بەردەوامبوونیدا کاریگەریی لەسەر جوڵەی کەشتییە نەوتهەڵگرەکان دروست دەکات.
