لە ڕووداوێكی سەختی هاتووچۆدا لەسەر ڕێگای كەركوك، 5 كەس گیانیان لەدەستدا و كەسێكی دیكەش برینداربووە.
بەپێی زانیارییەكانی (خەڵك) ئێوارەی ئەمڕۆ یەك شەممە، لەسەر ڕێگای سەرەكی كەركوك- سلێمان بەگ ڕووداوێكی سەختی هاتووچۆ لەنێوان دوو ئۆتۆمبێل و بارهەڵگرێك ڕوویداوە.
هەر بەپێی زانیارییەكان، ڕووداوەکە پێکدادان بووە لە نێوان دوو ئۆتۆمبێلدا لە جۆرەکانی (دۆج و ئۆپڵ ڤیکترا) و دواتر دۆجەكە پەڕیوەتە سایدی ئەوبەری شەقامەكە و خۆی بە بارهەڵگرێكدا كێشاوە.
بە وتەی شایەتحاڵانی ڕووداوەكە، سەرەتا 3 كەس گیانیان لەدەستداوە و 3 كەسی دیكەش بریندار بوون، بەڵام بەهۆی سەختی برینەكانیانەوە دوو برینداری دیكەشیان گیانیان لەدەستداوە.
