لەسنوری ناحیەی سەرقەڵا مێرد منداڵێك دەكەوێتە ژێر تایەی تراكتۆرێكەوە و بەهۆیەوە گیانی لەدەستدا.
بەڕێوەبەرایەتی هاتووچۆی گەرمیان بڵاویكردەوە، ئێوارەی ئەمڕۆ (یەك شەممە) مێردمنداڵێك لەكاتی كێڵانی زەویدا لەسنوری ناحیەی سەرقڵا كەوتە ژێر تایەی تراكتۆرێك و برینداربوو، بەهۆی سەختی برینەكەیەوە گیانی لەدەستدا.
ڕاشیگەیاندووە، ڕووداوەكە بەشێوەیەك بووە، تایەی تراكتۆرەكە كەوتۆتە چاڵێكەوە پاشان مێرد مناڵەكە لە تراكتۆرەكە كەوتۆتەخوارەوە و بووە بەژێر تایەكەیەوە.
ئاماژەی بەوەشكردووە، لەئێستادا لێكۆڵینەوە لە ڕووداوەكە دەستی پێكردوە لەلایەن تیمی هاتووچۆی گەرمیانەوە.
