بەڕێوەبەرایەتی هاتووچۆی گەرمیان ڕایدەگەیەنێت، لەسەر رێگای کەلار – دەربەندیخان، لەنزیک گوندی چاڵەڕەش، ئۆتۆمبێلێک وەرگەڕا و شۆفێرەکەی برینداربوو.
بەڕێوەبەرایەتیی هاتووچۆی گەرمیان لە ڕاگەیەنراوێكدا ئاماژەی بەوەكردووە، ”بەیانی ئەمڕۆ، ئۆتۆمبێلێک بەئاڕاستەی دەربەندیخان ڕۆیشتووە و لەنزیک گوندی چاڵەڕەش وەرگەڕاوە، بەهۆیەوە شۆفێرەکەی برینداربوو”.
دەشڵێت، ”بەمەبەستی زانینی هۆکار و چۆنیەتی ڕووداوەکە، لەلایەن تیمی هاتووچۆی گەرمیانەوە لێکۆڵینەوە لە ڕووداوەکە دەستیپێکردووە'”.
