وەزارەتی دارایی و ئابووری هەرێم خشتەی دابەشكردنی مووچەی مانگی 5ی سەرجەم وەزارەتەكانی ڕاگەیاند.
وەزارەتی دارایی هەرێم خشتەی دابەشكردنی مووچەی مانگی 5ی ڕاگەیاند، كە سبەینێ سێ شەممە دەستپێدەكات و ڕۆژی پێنج شەممە كۆتایی دێت.
ڕاشیگەیاندووە، ئەمڕۆ دوو شەممە ١٠ ی حوزەیرانی ٢٠٢٤، بڕی ( ٤١٩,١٩٠,٠٠٠ ) ملیۆن دینار وەک شایستەی مووچەی مانگی ئایاری فەرمانبەرانی هەرێمی کوردستان خرایە سەر هەژماری بانکی وەزارەتی دارایی و ئابوری هەرێمی کوردستان.
ئاماژەی بەوەشكردووە، خانەنشینی سەربازی لە لیستەکەدا نییە بەهۆی نەگەیشتنی تەمویلەکانیان لەلایەن وەزارەتی دارایی حکومەتی فیدراڵەوە، هەر کات تەمویلەکانیان گەیشتە دەست وەزارەتی دارایی و ئابوری ، دەست بەجێ دەست بەدابەشکردنی مووچەکانیان دەکرێت.
