ڕێنمایی بۆ شۆفێران لە کاتی کرداری تێپەڕاندن



به‌ڕێوه‌به‌رایه‌تیی هاتووچۆى پارێزگای هه‌ڵه‌بجه‌، ڕێنماییه‌كى بۆ سه‌رجه‌م شۆفێران له‌باره‌ى كردارى تێپه‌ڕاندن بڵاوكرده‌وه‌.

به‌ڕێوه‌به‌رایه‌تیی هاتووچۆى هه‌ڵه‌بجه‌، 17 خاڵى جیاوازى لەبارەی ئەو کاتانە بڵاوکردەوە کە کرداری تێپەڕاندن تیایدا قەدەغەیە، ئەوانیش بریتین لە:

كرداری تێپه‌ڕاندن له‌م كاتانه‌دا قه‌ده‌غه‌یه‌:

١- نزیك هێڵه‌كانی په‌ڕینه‌وه‌.

٢- نزیك یه‌كتربڕه‌كان.

٣- له‌پێچه‌كاندا.

٤- له‌و ڕێگایانه‌ی كه ‌ده‌كه‌ونه‌ زه‌وییه‌ (هه‌وراز و نشێوه‌كان)

٥- نزیك پرده‌كان.

٦- ناو تونێله‌كان.

٧- له‌و شه‌قامانه‌ی ترسی خلیسكانی تێدایه‌.

٨- له ‌به‌رزاییه‌كان ( گرد، شاخ).

٩- ئه‌گه‌ر هێمایه‌كی هه‌ڵواسراو، یان هێڵكاری سه‌رشه‌قام هه‌بوو، كه‌ ئه‌م كاره‌ قه‌ده‌غه‌ ده‌كات.

١٠- له‌ شه‌قامه‌ به‌ر ته‌سكه‌كان.

١١- ئه‌گه‌ر تێپه‌ڕاندنه‌كه‌ت وابكات له‌ شۆفێرێكی تر كه‌ خێراییه‌كه‌ی كه‌م بكاته‌وه‌، یان له ‌ئاڕاسته‌ی خۆی لابدات.

١٢- ئه‌گه‌ر لێخوڕی به‌رده‌مت ده‌ستی كرد به‌تێپه‌ڕاندنی ئۆتۆمبێلی به‌رده‌م خۆی.

١٣- ئه‌گه‌ر لێخوڕی پاش خۆت ده‌ستی كرد به‌تێپه‌ڕاندنی ئۆتۆمبێله‌كه‌ت.

١٤- ئه‌گه‌ر لێخوڕی به‌رامبه‌رت كه‌ به ‌ئاڕاسته‌ی تۆ ده‌هات، ده‌ستی كرد به ‌تێپه‌ڕاندنی ئۆتۆمبێلی به‌رده‌می.

١٥- ئه‌گه‌ر ئه‌و ئۆتۆمبێله‌ كه ‌له ‌پێشته‌وه‌ ده‌ڕۆیشت پابه‌ندبوو به‌و خێراییه‌ی كه‌دیاری كراوه‌ به‌هێمایه‌ك له‌سه‌ر ئه‌و شه‌قامه‌.

١٦- ئه‌گه‌ر ئاست و ڕاده‌ی بینینت باش نه‌بوو، به‌هۆی ته‌م، یان ته‌پ وتۆز، یان ڕووناكی به‌رزی ئۆتۆمبێله‌كانی تر له‌شه‌ودا، كه‌ كارێك بكات ماوه‌ی بینینت كه‌م بێت بۆ كرداری تێپه‌ڕاندن.

١٧- له‌كاتێك كه‌ ڕیزبه‌ستن هه‌بوو به‌ڕیزێك (ڕه‌تڵ) ئۆتۆمبێل، به‌هۆی ڕووداوێك یان كاره‌ساتێكی سروشتی.

باران بارین و هەورە تریشقە بەردەوام دەبن
پێشت باران بارین و هەورە تریشقە بەردەوام دەبن
سەرۆک وەزیرانی عێراق بانگھێشتی “کۆنفرانسی ئاشتی لە ئۆکراینا” کرا
دواتر سەرۆک وەزیرانی عێراق بانگھێشتی “کۆنفرانسی ئاشتی لە ئۆکراینا” کرا
ەیوەندیدار