نرخی زێڕ لە بۆرسەی جیهانی و بازاڕەكانی هەرێم گەیشتە ترۆپك و بەرزترین ئاستی پێوانەیی تۆماركردووە، بەجۆرێك نرخی یەك ئۆنسە زیاتر لە 2300 دۆلاری تێپەڕاندووە.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، نرخی زێڕ ڕۆژ بەڕۆژ بەرزدەبێتەوە و لە ئێستادا گەیشتۆتە نرخی یەك ئۆنسە گەیشتۆتە 2 هەزار و 355 دۆلار، كە ئەوەش نرخێكی مێژووییە.
وتیشی، “نرخی یەك مسقاڵ زێڕی عەیار 24 بە 555 هەزار دینارە و عەیاری 21 بە 490 هەزار دینارە و عەیاری 18 بە 425 هەزار دینارە”.
ئەمە لەكاتێكدایە، كە تەنها لە سەردەمی سەرهەڵدانی كۆرۆنا و جەنگی ئۆكراینا- ڕوسیا نرخی ئۆنسەی زێڕ گەیشتە 2000 دۆلار و دواتر دابەزییەوە، بەڵام لە ئێستادا نرخەكەی بەجۆرێك بەرزبۆتەوە، كە خەریكە لە توانای كڕینی لەلایەن هاووڵاتیانەوە دەردەچێت.
