سەرجەم گەشتەکانی ئاسمانی هاتن و چوون لە فڕۆکەخانەی نێودەوڵەتیی بەغدا تاوەکو کاتژمێر ١٠:٠٠ی ئەمشەو راگیراون.
ئەمرۆ دووشەممە ٢٩ی کانوونی دووەمی ٢٠٢٤، جیهاد دیوان، بەڕێوەبەری راگەیاندن و پەیوەندییەکان لە دەسەڵاتی فڕۆکەوانیی مەدەنیی عێراق رایگەیاند، لە نیوەڕۆی ئەمڕۆوە سەرجەم گەشتە ئاسمانییەکان لە فڕۆکەخانەی نێودەوڵەتیی بەغدا راگیراون.
دەربارەی هۆکاری راگرتنی گەشتەکان وتیشی:”هۆکارەکەی بۆ ئەوە دەگەڕێتەوە کە راڕەوی فڕۆکەخانەی نێودەوڵەتیی بەغدا چاکدەکرێتەوە و راگرتنی گەشتەکانیش تاوەکو کاتژمێر ١٠:٠٠ی ئەمشەو بەردەوام دەبێت”..
