ئێمە لە تۆرە کۆمەڵایەتیەکان

ئابوری

هەڤاڵ ئەبوبەكر: هەوڵی تەواو دەدەین بۆ تەواوكردنی بەنداوەكانی سنوری سلێمانی

خەڵك- بەشی هەواڵ

پارێزگاری سلێمانی ئاشكرای كرد، كۆتایی هەفتەی داهاتوو وەزیری دەرەوەی ئێران سەردانی شاری سلێمانی دەكات و دیدارێكی بازرگانی لەگەڵ بازرگانان و سەرمایەدارانی شارەكە سازدەكات.

هەڤاڵ ئەبوبەكر، پارێزگاری سلێمانی لەسەر پشكی گۆڕان بە میدیای حزبەكەی وتوە”خاوەن پێداویستییە تایبەتەكان ئەولەویەتی كارەكانمانە، هەروەها نزیكەی دوو ملیار دینارمان بۆ سێكتەری كارەبا دابین كردووە.”

ناوبراو هەروەها وتویەتی”پڕۆژەی رێگای 100 مەتری سلێمانی خراوەتەوە گەڕ، هەوڵیش دەدەین بۆ دروستكردنی بەنداوی خێوەتە و تەواوكردنی ئەو بەنداوانەی تەواو نەبوون لەگەڵ دروستكردنی بەنداوی لاوەكی بۆ پشتیوانیكردنی هەردوو بەنداوی دوكان و دەربەندیخان.”

پارێزگاری سلێمانی وتویەتی” هەوڵ دەدەین هەڵمەتێكی گەورەی دروستكردنی قوتابخانە دەست پێبكەین، كە بەسوپاسەوە كەرتی تایبەت ئەم بەڵێنەیان داوە و دەستمان پێكردوە كە لەوانەیە گەورەترین هەڵمەت بێت بتوانین لە ساڵێكدا جێبەجێی بكەین، بەرنامەیەكی دیكەمان ئەوەیە بایەخ بە وزەی جێگرەوە بدەین، كارێكی ترمان پەرەپێدانە بە بوارەكانی كۆگای ستراتیژی بۆ بواری غاز و سوتەمەنی و دانەوێڵە و ئاو و دەرمان و دابینكردنی پێداویستی پارێزگاكەمان، هەروەها كەمپەكانیشمان ئامادە كردوە بۆ هەر حاڵەتێكی لەناكاو.”

لە بەشێكی تری وتەكانیدا پارێزگاری سلێمانی لەبارەی بەرنامەی كاری سەردانەكەی وەزیری دەرەوەی ئێران، محەمەد جەواد زەریف، بۆ سلێمانی، كە بڕیارە لە چوارچێوەی سەردانەكەی بۆ عێراق و هەرێمی كوردستان ئەنجامی بدات، وتی”ئاگاداری ئەو سەردانەین و لە سلێمانیش دیدارێكی بازرگانی ئەنجام دەدات، كە ئامانج لێی پتەوكردنی پەیوەندییە بازرگانییەكانی هەردوولایە.”

ئابوری

هۆشیار عەبدوڵڵا: ناردنی موچەی فەرمانبەران بەردەوام نابێت

خەڵك- بەشی هەواڵ

ژمارەیەك لە پەڕلەمانتارانی عیراق بە توندی هەڵمەتێكی دژایەتیكردنی دابینكردنی موچەی فەرمانبەرانی هەرێمیان دەستپێكردووە، بەهۆی ڕادەستنەكردنی نەوتەوە و پەڕلەمانتارێكی عیراقیش دەڵێت”ئەگەر هەرێم و بە زویی هەنگاو نەنێت بە ئاراستەیەك كە مامەڵەیەكی شەفاف لەگەڵ داهاتی نەوت و داهاتی ناوخۆدا بكات دەبێت بزانێت لە ئایندەی نزیكدا ئەو كێشانە یەخەمان دەگرنەوە و ئەم دۆخەی ئێستا بەردەوام نابێت”.

بەپێی زانیارییەكان ژمارەیەك پەڕلەمانتاری عیراق، كە هەندێك كوردیشیان تێدایە دژی دابینكردنی موچەی فەرمانبەرانن، بەبێ‌ ڕادەستكردنی نەوت، كە بڕیارە ڕۆژانە 250 هەزار بەرمیل نەوت هەناردە بكرێت و كار لەسەر دروستكردنی فشار دەكەن لەسەر حكومەتی عیراق بۆ ڕاگرتنی موچەی فەرمانبەران.

هۆشیار عەبدوڵڵا، پەڕلەمانتاری فڕاكسیۆنی گۆڕان لە پەڕلەمانی عیراق لە فەیسبوكی خۆی نوسیویەتی”ئەمڕۆ لە كۆبونەوەی لیژنەی مالیە ، جارێكی تر لەسەر پشكی هەرێم و هەوڵدان بۆ برینی ئەو پشكەی ئێستا دێت بۆ هەرێم لەگەڵ بەشێك لە پەرلەمانتارانی لیژنەی دارایی لێمان بو بە كێشە و گفتوگۆی توند، كێشەكە ئەوەیە بە گوێرەی رای سەرۆكی دەستەی مەرزەكانی عێراق كە لە ۱٠ی ئازار بانگهێشتی لیژنەی مالیەكراوە، لەئێستادا هەرێم پابەندبوە بەتاریفەی رەسمی گومرگی بەڵام داهاتەكەی ناگەرێنێتەوە بۆ خەزێنەی ئیتیحادی.”

هۆشیار عەبدوڵڵا، باسی لەوەشكردووە، لە نێو لیژنەكەدا پێشنیازكراوە، كە ئەگەر هەرێم پابەندی گەڕانەوەی داهات نەبێت، پشكی هەرێم ببڕدرێت و ئەوانیش ڕەتیانكردووەتەوە.

بڵاوبوونەوەی دەنگۆی بڕینی جارێكی تری موچەی فەرمانبەران دوای ئەوەدێت، كە هەرێم پابەندنەبووە بە ناردنی نەوت و گەڕانەوەی داهاتەوە و بەپێی زانیارییەكانیش بڕیارە لە چەند ڕۆژی داهاتوودا هەرێم شاندێك بنێرێتە بەغدا بۆ گفتووگۆكردن لەسەر ئەو پرسانە.

بەردەوام بە لە خوێندنەوە

ئابوری

ئەندامێكی لیژنەی دارایی: قەیرانی پاشەكەوتی پاشەكەوتی موچە دەستپێدەكاتەوە

خەڵك- بەشی هەواڵ

ئەندامێكی لیژنەی دارایی و ئابوری پەڕلەمانی عیراق ڕایگەیاند، لەسەر بنەمای دوو خاڵ ڕێككەوتنی ناردنی موچە بۆ ساڵێك كراوە و پاشان قەیرانی موچە و پاشەكەوت دەستپێدەكاتەوە.

جەمال كۆچەر، بە (خەڵك)ی ڕاگەیاند، نەرمی نواندنی عیراق بۆ ناردنی بەشێك لە موچەی فەرمانبەران بۆ دوركەوتنەوەی كورد لە سەربەخۆی و ڕیفراندۆم بووە لەگەڵ بەڵێنی ناردنی نەوت و چارەسەركردنی كێشەكان لە ماوەی ساڵێكدا.

دەشڵێت “ڕێككەوتن بۆ ساڵێك كراوە، مانگانە 522 ملیار بنێرێت، ئەگەر جێبەجێ‌ بكرێت، بەڵام ساڵی داهاتوو ئەگەر كێشەكان چارەسەرنەكرێن، دیسان قەیران دروست دەبێت، لەوانەیە قەیرانی قورستریش، چونكە بەپێی ڕێككەوتنە سیاسییەكە هەرێم دەبێت خاڵە گومرگییەكان، نەوت و داهات تەسلیم بكات و كێشەكانی ماددەی 140 و پێشمەرگە كۆتاییان پێبهێندرێن”.

جەمال كۆچەر هەر لە قسەكانیدا ڕونیكردەوە، كە ئەگەر ئەو كێشانە چارەسەر نەكرێن، جارێكی تر ناتوانن گەرەنتی ناردنی موچە بكرێت، چونكە بەغدا بۆ ساڵێك ڕازی بووە.

مانگانە عیراق بڕی 522 ملیار دینار بۆ موچەی فەرمانبەرانی هەرێم دەنێرێت تا كۆتایی ساڵی 2019 و پاشان بڕیارە بە ڕێككەوتنێكی تر چارەسەری كێشەكە بكەن، ئەگەر هەرێم پابەندبێت بە ناردنی نەوتەوە، هەرچەند تائێستا چەند بەرپرسێكی هەرێم ڕایانگەیاندووە، كە ئامادەنین نەوت ڕادەستی بەغدا بكەن.

ئەو پەڕلەمانتارەی عیراق سەبارەت بەو لێدوان و قسانەی باس لە گەڕەنتی یاسای بودجەی 2019 دەكەن، دەڵێت”ئەمە عیراقە، هیچ شتێك تێیدا ڕێكخراو و گەرەنتیكراو نییە، یاساش هەبێت، دەتوانێت جێبەجێی نەكات”.

بەردەوام بە لە خوێندنەوە

ئابوری

ئەنجومەنی پارێزگەی هەولێر داوا دەكات، قەرزی حكومەت لەپاشەكەوت بدرێتەوە

خەڵك-ئارام سەردار

سەرۆكی ئەنجومەنی پارێزگەی هەولێر ڕایدەگەیەنێت، وەزارەتی دارایی بەنیازە قەرزەكانی وەربگرێتەوە لەهاووڵاتیان وەك پێشینەكان و قەرزەكانی تر لەڕێگەی پڕۆژەیەكەوە، بەڵام ئێمە پشتیوانی لەوە دەكەین كە لێدەركردن بكرێت بۆ قەرزی هاووڵاتیان لەم پاشەكەوتەی لای حكومەتە، بەمەش هاووڵاتی و حكومەت قازانج دەكەن.

عەلی ڕەشید سەرۆكی ئەنجومەنی پارێزگەی هەولێر سەبارەت بەپڕۆژەی كردنە چەكی بانكی پاشەكەوتی مووچە و دانەوەی قەرزی هاووڵاتیان لەم پاشەكەوتە بە(خەڵك)ی ڕاگەیاند، پڕۆژەكە لەكۆبوونەوەی ٤٣ و ٤٤ی ئەنجومەنی پارێزگە لەكۆتاییەكانی ساڵی ٢٠١٦ بڕیارمان لەسەردا و هەرچوار پاریزگەكەی هەرێم كۆبوونەوەیەكمان ئەنجامدا و ڕێككەوتنمان لەسەری كرد و دواتر پێشكەشی ئەنجومەنی وەزیران و پەڕلەمانی كوردستانمان كرد.

دەشڵێت “ئێستا كە حكومەت پاشەكەوتی مووچەی نەهێشتووە، لەپڕۆژە یاسای چاكسازی پەڕلەمانیش بەدوو خاڵ جێگای پڕۆژەكەی ئێمەكراوەتەوە بۆ ئەوەی ژمارەی بانكی بۆ فەرمانبەران دروست بكرێت و بڕی قەرزەكە بخرێتە سەر ژمارە بانكی فەرمانبەران، كە بەدڵنیاییەوە لەخولی پێنجەمی پەڕلەمان پڕۆژەكە پەسەند دەكرێت، ئێستاش ئەوەی ئێمە بۆی دادەنیشنین ئەو قەرزانەیە كە وەزارەتی دارایی بەنیازە وەری بگرێـتەوە وەك قەرزی خانووبەرە و كشتوكاڵ و هاوسەرگیری و قەرزی بچوكی وەك قەرزەكانی هاتووچۆ و شارەوانی و باج و دەرامەت”.

ئەوەشی خستەڕوو، ئێمە ئەمڕۆ داوا دەكەین ئەو قەرزانەی هاووڵاتیان و حكومەت بەیەكەوە لێدەركردنی بۆ بكرێت واتە بەشێوەیەك كە لەپاشەكەوتی فەرمانبەر بڕی قەرزی خۆی بداتەوە و لەبەرامبەردا هەردوولا قازانج دەكەن هەم هاووڵاتی قەرزی خۆی دەداتەوە بەحكومەت، هەم حكومەت قەرزی خۆی دەداتەوە بەهاووڵاتیان بەمەش كۆتایی بەپاشەكەوت دێت و ئەركی سەرشانی حكومەت سوكتر دەبێت.

ئەم كۆبوونەوەیە لەكاتێدایە لەدوای نەمانی پاشەكەوتی مووچە، وەزارەتی دارایی بەنوسراوێك داوای گەڕاندنەوە و وەرگرتنەوەی قەرزەكانی دەكات لەهاووڵاتیان كە لەماوەی ڕابردوو نەیان گەڕاندووەتەوە بۆ حكومەت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان