کەشناسی وادەی کۆتاییهاتنی ئەم شەپۆلی بارانبارینەی ڕاگەیاند

کەشناسی هەرێمی کوردستان وادەی کۆتاییهاتنی ئەم شەپۆلی باران و بەفرەی ڕاگەیاند و دەڵێت: کاریگەرى ئەم باران بارینە تا سبەى کاتژمێر 9ى بەیانى بەلاوازى لە ناوچەکانى ڕۆژهەڵات دەمێنێتەوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، باران بارین لە ناوچەکانى باکور و باکورى ڕۆژهەڵاتى هەرێم بەردەوامە لە کاتژمێرەکانى داهاتوشدا دابارینەکە لەو ناوچانە لاواز دەبێت بەرەو تەواوى ناوچەکانى تری هەرێم دەڕوات و پێشبینیش دەکرێ لە ناوچە شاخاویەکانى هەولێر و ڕاپەڕین زۆرترین ڕێژەى باران ببارێت تا نیوەشەو وە لە دوای نیوەشەویش زۆرترین ڕێژەى باران بارین لە بەشێکى پارێزگای سلێمانى و بەشێک لە ناوچەکانى باشورى ئەو پارێزگایە دەبێت.

لە راگەیەندراوەکەی کەشناسیدا هاتووە کە شەپۆلەکە لە ناوچەکانى تری هەرێمی کوردستان وەکو هەڵەبجە و هەولێر و کەرکووک و گەرمیانیش ڕێژەیەکى باش بارانى لێدەبارێت و هاوکات بەفریش لە ناوچە شاخاوییە سنوریەکان دەبارێت.

لەبارەی کۆتاییهاتنی شەپۆلەکەوە کەشناسی دەشڵێت:”ێشبینى دەکرێ کاریگەرى ئەم بارانبارینە تا سبەى کاتژمێر 9ى بەیانى بەلاوازى لە ناوچەکانى ڕۆژهەڵات دەمێنێتەوە”