لەسەر سكاڵای هاووڵاتییەك و لەلایەن مەفرەزەكانی نووسینگەی نەهێشتنی تاوانی کوردسات-ەوە تۆمەتبارێك دەستگیركرا و دەستیش گیرا بەسەر ئۆتۆمبێلێكی بارهەڵگردا.
بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، دوای ئەوەی هاووڵاتییەك سكاڵای تۆماركرد، كە ئۆتۆمبێلە بارهەڵگرەکەی لێدزراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد.
ڕاشیگەیاندووە، دوای وەرگرتنی بڕیاری داوەری لێكۆڵینەوە، توانرا لەلایەن مەفرەزەكانی نوسینگەی نەهێشتنی تاوانی کوردسات-ەوە تۆمەتبار بدۆزرێتەوە و دەستگیربكرێت و دەستیش بگیرێت بەسەر ئۆتۆمبێلە دزراوەكەدا.
ئاماژەی بەوەشكردووە، لەئێستادا تۆمەتبار ( هـ، م، أ لەدایكبووی 1993 ) بەبڕیاری دادوەر و بەپێ ماددەی 446 لەیاسای سزادان ڕاگیراوە و لێكۆڵینەوە لەگەڵیدا بەردەوامە.
