لەسەر سكاڵای هاووڵاتییەك و بەبڕیاری دادوەر، مەفرەزەكانی نووسینگەی نەهێشتنی دزینی ئوتۆمبێلی سەر بە بەشی نەهێشتنی تاوان تۆمەتبارێكیان دەستگیركرد و دەستیش گیرا بەسەر ئۆتۆمبێلێكدا.
بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، هاووڵاتییەك سكاڵای تۆماركرد، كە لەشاری بەغدا ئۆتۆمبێلەکەی لێدزراوە و گومان دەکرا بەرەو شاری سلێمانی هێنابێتی.
ڕاشیگەیاندووە، دوای وەرگرتنی بڕیاری دادوەر و گەیشتنە ئەنجامی لێكۆڵینەوەكان، توانرا لەلایەن مەفرەزەكانی نوسینگەی نەهێشتنی دزینی ئوتۆمبێل تۆمەتبار بدۆزرێتەوە و دەستگیربكرێت. لەكاتی دەستگیركردنیشیدا دەستگیرا بەسەر ئۆتۆمبێلە دزراوەکەدا.
ئاشكراشی كردووە، تۆمەتبار (ه، ن، ع لەدایكبووی ١٩٨١) بەبڕیاری دادوەر و بەپێی ماددەی ٤٤٤ ڕاگیراوە و دوای تەواوکردنی ڕێکارە یاساییەکان ڕەوانەی شاری بەغدا دەکرێتەوە.
