بەڕێوەبەرایەتی پۆلیسی هەولێر دەستگیرکردنی تۆمەتبارێکی ڕاگەیاند، هەڕەشەی لە ژنان کردووە و زیاتر لە ١٨٠ ڤیدیۆی ژنانی لابووە و لە بەرامبەردا داوای پارەی کردووە.
لە ڕاگەیەندراوەکەی بەڕێوەبەرایەتی پۆلیسی هەولێردا هاتووە، “لەسەر سکاڵای ژنێک کەسێکیان دەستگیرکردووە کە سەرپەرشتی گروپەکانی تێلیگرام و سناپ چاتی کردووە و هەڕەشەی بڵاوکردنەوەی ڤیدیۆی ژنانی لە تۆڕە کۆمەڵایەتییەکان کردووە”.
ئاماژە بەوەشکراوە، ” ئەو کەسەی دەستگیرکراوە سەرپەرشتیاری گروپی پەیجەکانی (گۆڤەند سی تی ئێس)ی کردووە و ە زیاتر لە ١٨٠ ڤیدیۆی ژنانی لابووە و لە بەرامبەر بڵاوکردنەوەی ڤیدیۆکان داوای پارەی لەو ژنانە کردووە”.
