بافڵ جەلال تاڵەبانی: ناکرێت گوزەرانی خەڵک و شایستەداراییەکان بە بابەتە سیاسییەکانەوە ببەسترێتەوە

  • 254 بینین

بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام جەلال لە بەغداد پێشوازی لە ئەلینا رۆمانۆسکی، باڵیۆزی ئەمریکا لە عێراق کرد.

لەدیدارەکەدا دوایین پەرەسەندنە سیاسی، ئابووری، ئەمنییەکان و کێشەکانی نێوان هەولێر و بەغداد گفتوگۆیان لەبارەوەکرا و جەخت لە چارەسەری دەستووری و سیاسییانەی کێشەکان کرایەوە بەشێوەیەک کە وەڵامدەرەوەی خواستی هەموولایەک بێت و سەقامگیریی ناوچەکە پارێزراوبێت.

بافڵ تاڵەبانی، ئامادەیی خۆیانی بۆ چارەسەری کێشەکان دەربڕی و ڕایگەیاند، ناکرێت گوزەرانی خەڵک و شایستەداراییەکان بە بابەتە سیاسییەکانەوە ببەسترێتەوە، چونکە ژیانی خەڵکەکەمان زۆر لەوە گەورەترە کە بکرێتە قوربانیی ململانێ سیاسییەکان و هەموو هەنگاوێکیش لەپێناو کۆتاییهێنان بەو دۆخە نەخوازراوە دەگرینەبەر.

بافڵ تاڵەبانی وتیشی، پێمانوایە پاراستنی قەوارەی هەرێم و بەهێزیمان پەیوەستە بە یەکگرتوویی و یەکهەڵوێستیمانەوە، بۆ ئەمەش لەهەوڵەکانمان بەردەوامین.

جێی باسە ئەمڕۆ بافڵ تاڵەبانی لە بەغدا زنجیرەیەک میوانداری و دیداری لەگەڵ چەندین بەرپرسی جیای ناوخۆیی و دەرەکی کردووە و، کێشەکانی هەرێم و بەغدا هۆکاری سەرەکین لەم دیدار و کۆبوونەوانەدا.

بانكێك پێدانی سێ‌ جۆر قەرز بە هاووڵاتیان ڕادەگەیەنێت
پێشت بانكێك پێدانی سێ‌ جۆر قەرز بە هاووڵاتیان ڕادەگەیەنێت
كاتی ناردن و بڕی پارەكەی عێراق بۆ هەرێم ئاشكراكرا
دواتر كاتی ناردن و بڕی پارەكەی عێراق بۆ هەرێم ئاشكراكرا
پەیوەندیدار