ڕووداوێكی هاتووچۆ لەسەر ڕێگای داقوق- خورماتوو گیانلەدەستدانی 2 كەس و برینداربوونی 6 كەسی دیكەی لێ كەوتەوە.
بەپێی زانیارییەكان، دوانیوەڕۆی ئەمڕۆ شەممە 2ی ئەیلوول، لەسەر ڕێگای داقوق- خورماتوو ڕووداوێكی هاتووچۆ لەنێوان دوو ئۆتۆمبێل ڕوویداوە.
هەر بەپێی زانیارییەكان، لە ئەنجامی ڕووداوەكەدا 2 كەس گیانیان لەدەستداوە، كە یەكێكیان ژنە و هەروەها 6 كەسی دیكەش برینداربوون.
لە ئێستادا تیمەكانی تەندروستی بریندارەكانیان ڕەوانەی نەخۆشخانە كردووە و تەرمی مردووەكانیش ڕەوانەی پزیشكی دادوەری كراوە بۆ ئەوەی دواتر ڕادەستی كەسوكاریان بكرێنەوە.
