مانگرتنی سەرتاسەری لە ڕۆژهەڵاتی كوردستان دەستیپێكردەوە

  • 105 بینین

 

ئەمڕۆ چوارشەممە بۆ سێهەم ڕۆژ مانگرتنی سەرتاسەری لە ڕۆژهەڵاتی كوردستان دەستیپێكردەوە.

بەیانی ئەمڕۆ چوار شەممە هاووڵاتیان لە زۆرینەی شارەكانی ڕۆژهەڵاتی كوردستان لە ماڵەكانیاندا مانەوە، دوكان و بازاڕەكانیان نەكردەوە.

بەپێی سەرچاوە خۆجێیەكان، هاووڵاتیان و كاسبكارانی شارەكانی سنە، كرماشان، جوانڕۆ، قوروە، سەقز، مەهاباد، بۆكان، شنۆ و شار و شارۆچكەكانی دیكە مانگرتنی سەرتاسەریان ڕاگەیاندووە.

هاوكات شەوی ڕابردووش لە سنە و سەقز و ژمارەیەك شار و شارۆچكەی دیكە، خۆپیشاندان و گرژی‌و پێكدادان لەنێوان ناڕازیان و هێزە ئەمنییەكاندا ڕوویدا.

نزیكەی سێ مانگە، خۆپیشاندان و ناڕەزایەتی لە ئێران و ڕۆژهەڵاتی كوردستان بەردەوامن كە بەهۆی كوژرانی ژینا ئەمینی كچە كوردی شاری سەقز لەكاتی دەستگیركرانی لەلایەن پۆلیسی ئێرشادەوە سەریانهەڵداوە.

هەرچەندە ئێران بڕیاری هەڵوەشاندنەوەی پۆلیسی ئێرشاد و پێداچوونەوەی بە یاسای باڵاپۆشیدا داوە، بەڵام ناڕەزایەتییەكان هەر درێژەیان هەیە.

لە گرژییەكانی ڕۆژهەڵاتی كوردستان 122 كەس كوژراون
پێشتر لە گرژییەكانی ڕۆژهەڵاتی كوردستان 122 كەس كوژراون
گرژی لەنێوان هێزە دەریاییەكانی ئەمریكا و ئێراندا دروستبوو
دواتر گرژی لەنێوان هێزە دەریاییەكانی ئەمریكا و ئێراندا دروستبوو
پەیوەندیدار