هەرچەندە بڕیار بوو ئەمڕۆ گوهدار زێباری کە یەکێک بوو لە رۆژنامەنووسە دەستگیركراوەكانی بادینا ئازاد بکرێت، بەڵام ئازاد نەکرا.
نەهرۆ جەرجیس، پەیامنێری تۆڕی میدیای خەڵک رایگەیاند، بڕیاربوو ئەمشەو پارێزەر و کەسوکار و چالاکوان و رۆژنامەنووسانی بادینان دژی ئازادنەکردنی گوهدار زێباری کۆنگرەیەکی رۆژنامەنووسی ئەنجام بدەن، بەڵام لەلایەن هێزە ئەمنییەکانەوە رێگرییان لێکرا و نەیانهێشت کۆنگرەکە ئەنجام بدرێت.
وتیشی: هێزە ئەمنییەکان جگە لەوەی رێگریان لە ئەنجامدانی کۆنگرەکە کرد هەڕەشەیان لە رۆژنامەنووسان و دەزگاکانی راگەیاندن کرد و دەستیان بەسەر کەلوپەلی بەشێک لە دەزگا راگەیاندنەکانیشدا گرت.
