دەزگای ئاسایشی هەرێم دەستگیرکردنی ٨ تۆمەتباری بەتۆمەتی غەش و پێوتنەوەی پرسیارەکانی پۆلی دوانزەی ئامادەیی راگەیاند.
بەڕێوەبەرایەتی ئاسایشی ڕۆژئاوای سلێمانی رایگەیاند، بەتۆمەتی غەش و پێوتنەوەی پرسیارەکانی پۆلی دوانزەی ئامادەیی، چەند تۆمەتبارێکی دەستگیرکرد و دەستگیرا بەسەر چەندین ئامێری بێتەل.
لە راگەیەندراوەکەدا هاتووە، هێزەکانی ئاسایش بەبڕیاری دادوەری لێکۆڵینەوە، لەسنوری قەزای چەمچەماڵ (هەشت) تۆمەتباریان دەستگیرکرد کە دەیانویست لە ڕێگەی ئامێری بێتەلەوە، وەڵامی پرسیارەکانی پۆلی دوانزە بە بەشداربوانی تاقیکردنەوەکان بڵێنەوە.
بەگوێرەی راگەیەندراوەکە، ئەو ئامێرانەی بەنیازبوون بەکاریبهێنن، لەلایەن هێزەکانی ئاسایشەوە دەستیبەسەرداگیراوە، تۆمەتباران بەماددەی (٢٤٠) لەیاسای سزادان ڕاگیراون و لێکۆڵینەوە لە دۆسیەکانیان بەردەوامە.
