سەرۆکی دەستەی وەبەرهێنانی کوردستان ڕایگەیاند لە ڕێی وەبەرهێنەرانەوە سەرجەمی ئەو گەنمانەی لە پشکینی دەردەچن، لە جوتیارانی هەرێم وەردەگیرێن.
ئەمڕۆ پێنجشەممە، محەمەد شوکری سەرۆکی دەستەی وەبەرهێنان ڕایگەیاند، لە دوێنیوە دەستکراوە بە وەرگرتنی گەنمی جوتیاران و پرۆسەکە تا 2ی ئەیلولی داهاتوو بەردەوام دەبێت.
ڕوونیشیکردەوە، وەبەرهێنەران بڕیاریانداوە لە 2ی تشرینی یەکەمی داهاتوو پارەی ئەو گەنمەی وەردەگیرێت، ڕادەستی جوتیاران بکەن.
محەمەد شوکری ڕاشیگەیاند، ئەو گەنمەی وەردەگیرێت بۆ دوو پلە پۆلێنکراوە یەکەمیان تۆنی بە 600 هەزار دینار و پلە دووش بە 575 هەزار دینار وەردەگیرێت.
