ئەمڕۆ نرخی بەرمیلێک نەوتی خاوی برێنت بە ٨٣ دۆلار و ٢٧ سەنت مامەڵەی پێوەدەکرێت، بەراورد بە دوێنێ نرخەکەى زیاتر لە دوو دۆلار دابەزیوە.
نرخی بەرمیلێک نەوتی خاوی ئەمەریکی بە ٨٣ دۆلار و ٥٤ سەنت مامەڵەی پێوەدەکرێت و بەراورد بە دوێنێ نرخەکەى زیاتر لە سێ دۆلار دابەزیوە.
دابەزینی نرخی نەوت بەهۆی کەمکردنەوەی بەرهەمهێنانی نەوتە لە عێراق، ڕوسیا، سعودییە، ئیمارات، جەزائیر، کوێت و عومان، کە بەرهەمهێنانی ڕۆژانەی نەوتیان لە پێناو هێشتنەوەی نرخی نەوت بە سەقامگیری لە بازاڕەکانی جیهان کەمکردەوە.
پشکی عێراق بۆ بەرهەمهێنانی نەوت لە پێشتردا چوار ملیۆن و ٤٣١ هەزار بەرمیل بوو لە ڕۆژێک، دواتر لەسەر ڕەزامەندی عێراق و ڕێکخراوی ئۆپیك پڵەس بڕی ٢١٠ هەزار بەرمیل نەوت کەمکرایەوە، بڕیار وایە ساڵی داهاتوو عێراق چوار ملیۆن و ٢٢٠ هەزار بەرمیل نەوت بەرهەمبهێنێت.
