شارەزایەكی كەشناسی ڕایدەگەیەنێت، سبەی ئەگەری تاوە باران و ھەورە بروسکە لەبەشێکی ناوچە شاخاوییەکان ئەبێت.
ئاراس جەبار، شارەزای كەشناسی بۆ (خەڵك) ڕایگەیاند، سبەی شەممە ٢٢-٧-٢٠٢٣ ئاسمان ھەرێم بە زۆری ساماڵ و لەکاتەکانی پاش نیوەرۆدا لەناوچەکانی سنوری پارێزگای سلێمانی و ئیدارەی راپەرین و ناوچە شاخاویەکانی ڕۆژھەڵاتی پارێزگای ھەولێر ئاسمان ئەگۆرێت بۆ پەڵە ھەور و ھەندێک کاتیش نیمچە ھەور.
ڕاشیگەیاند، بۆ ماوەیەکی کورت لەھەندێ ناوچە شاخاوییەکان بەتایبەت سنوری قەزای چۆمان ئەگەری دروستبوونی کەڵەکە ھەوری بروسکە و تاوە باران ئەبێت.
وتیشی، ” پلەکانی گەرما بەرێژەی ١ پلە بەراورد بە ئەمرۆ بەرزتر ئەبێت و بای باکوری ڕۆژھەڵات لە کاتەکانی سبەی شەودا لەناوچەکانی سنوری پارێزگای سلێمانی و ئیدارەی راپەرین چالاک ئەبێتەوە بەخێرای ١٥-٣٥ کم لە کاتژمێرێکدا”.
