بەڕێوەبەرایەتی پۆلیسی ڕاپەڕین ئاشكرای دەكات، ته‌رمی مێردمنداڵێكی گه‌یه‌نراوه‌ته نه‌خۆشخانه، كه خۆی كوشتووه.
بەڕێوەبەرایەتی پۆلیسی ڕاپەڕین لە ڕاگەیەنراوێكدا ئاماژەی بەوەكردووە، کاتژمێر 4ی پاش نیوەڕۆی ئەمڕۆ یه‌ك شەممە تەرمی مێردمنداڵێک بەناوی ( هـ . ک ) ڕەگەزی نێر، تەمەن 14 ساڵان، پیشەی خوێندکار، دانیشتووی گوندی شێنێ سەر بە ناحیەی هەڵشۆ ـ قەزای پشدەر (قەڵادزێ) گەیەندرایە نەخۆشخانە.
ڕاشیگەیاندووە، “دوای پشکنین و توێکاری بۆ لاشەکەی دەرکەوت بە چەکی جۆری (کڵاشینکۆف) لە ماڵی خۆیاندا خۆی کوشتووە و شوێنەواری یەک فیشەک بەسەر جەستەیەوە هەیە”.
ئاماژەی بەوەشكردووە، دوای گرتنەبەری ڕێوشوێنی یاسایی و تەندروستی تەرمەکەی ڕادەستی کەسوکاری کرایەوە، پەڕاوی لێکۆڵینەوەش بۆ ڕووداوەکە ڕێکخراوە.
