ئێمە لە تۆرە کۆمەڵایەتیەکان

جیهان

سەرچاوەكان: مانگی داهاتوو ئەمریكا لە ئێران دەدات

سەرچاوەكان باس لە ئامادەكارییەكانی ئەمریكا دەكەن بۆ لێدانى پێگە ئەتۆمییەكانی ئێران

خەڵك- بەشی هەواڵ
میدیاكانی ئوسترالیا دەڵێن، ئیدارەی ئەمریكا خۆی بۆ بۆردومانكردنی دامەزراوە ئەتۆمییەكانی ئێران لە سەرەتای مانگی ئابی داهاتوو ئامادە دەكات.

دەزگای رادیۆ و تەلەفیزیۆنی ئوسترالیا (abc) لە زاری گەورە بەرپرسانی هەواڵگرییەوە بڵاویكردۆتەوە “دۆناڵد ترەمپ سەرۆكی ئەمریكا رەنگە ئامادە بێت بۆ وەشاندنی گورزێكی سەربازی لە ئێران”.

هەر بە وتەی هەمان سەرچاوە”بنكەی باین گابی نهێنی لە هەرێمی باكوور و جێگە بەرگرییەكانی تری ئوسترالیا، رەنگە رۆڵییان هەبێت لە دیاریی كردنی ئامانجەكان لە بۆردومانەكاندا”.

هەر لەو چوارچێوەیەدا، مالكۆلم تیرنبوڵ سەرۆك وەزیرانی ئوسترالیا، لە گرنگی ئەو راپۆرتەی كەمكردەوە و تەنیا وەك خەمڵاندنێك وەسفی بكرد.

تیرنبوڵ بە رادیۆ و تۆڕی (abc)ی راگەیاندبوو”چيرۆكەكەی (abc) كە پشت بە سەرچاوە باڵاكانی حكومەتی ئوسترالیا دەبەستێت، سودی لە هیچ كام لەو راوێژانە نەبینیوە كە لەگەڵ من یان وەزیری دەرەوە یان وەزیری بەرگری یان فەرماندەی هێزی بەرگری، ئەنجامیداوە”.

ئەمەش لەكاتێكدایە كە تەنگژەكان لەنێوان كۆماری ئیسلامی و ئەمریكا روو لە ئاڵۆزبوون دەكەن و بەرپرسانی هەردوولا هەڕەشەی بێ‌ پێشینە لە یەكتر دەكەن.

جیهان

ئێران، زیاتر لە 3700 حاڵەتی تووشبوونی نوێ‌ بە كۆرۆنا تۆماركرا

خەڵك-بەشی هەواڵ
وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 3712 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 3712 كەس لە ئێران تووشی ڤایرۆسی كۆرۆنا بوون و 183 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 429 هەزار و 193 كەس لە ئێران تووشی كۆرۆنا بوون”.

ئاماژەی بۆ ئەوەش كرد، لە ماوەی بیست و چوار كاتژمێری ڕابردوودا 178 كەس بەهۆی ڤایرۆسەكەوە گیانیانلەدەستداوە و ژمارەی ئەوانەش كە تائێستاش نەخۆشییەكەیان پەڕاندووە و چاكبوونەتەوە، گەیشتۆتە 363 هەزار و 737 كەس.

بەردەوام بە لە خوێندنەوە

جیهان

نوێترین ئاماری تووشبوون بەکۆرۆنا لەجیهاندا

خەڵک – بەشی هەواڵ

 

بەپێی نوێترین ئامار، نزیکی ٢٣ ملیۆن  و ١٤٠ هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ٣١ ملیۆن و ٥١٧ هەزار تووشبووی ڤایرۆسی کۆرۆنای نوێ تۆمارکراون.

هەر بەپێی ئەو ئامارە، لەوماوەیەدا نزیکی ٢٣ ملیۆن  و ١٤٠ هەزار تووشبووی کۆرۆنا چاکبوونەتەوە، کە لەبەرامبەردا نزیکی ٩٧٠ هەزار کەس گیانیان لەدەستداوە، ئەوانی دیکەش لەژێر چارەسەردان.

بەردەوام بە لە خوێندنەوە

جیهان

تڕەمپ: ئەگەر بە گوێی بۆڵتۆنم بكردایە ئێستا جەنگی جیهانیی پێنجەم ڕوویدەدا

خەڵك-بەشی هەواڵ

 

سەرۆكی ئەمریكاڕایدەگەیەنێت، ئەگەر گوێم لە جۆن بۆڵتۆن بگرتایە، ئەوا ئێستا جەنگی جیهانیی پێنجەم ڕوویدەدا.

دۆناڵد تڕەمپ سەرۆكی ئەمریكا لە شاری دایتۆن سەربە ویلایەتی ئۆهایۆ كە لە ڕووی هەڵبژاردنە سەرۆكایەتییەكەی سێی تشرینی دووەمەوە پێگەیەكی گرنگی هەیە و هەستیارە، وتارێكی پێشكەش كرد و لە وتارەكەیدا ڕەخنەی توندی ئاڕاستەی جۆن بۆڵتۆن ڕاوێژكاری پێشووی ئاسایشی نیشتمانیی ئەمریكا كرد و ڕایگەیاند، ئەگەر من گوێم لەو شێتە بگرتایە، ئەوا ئێستا جەنگی جیهانیی پێنجەم ڕوویدەدا.

وتیشی”ئەگەر بایدن هەڵبژاردنەكە بباتەوە، ئەوا بەرامبەر خراپترین كاندید لە مێژوودا، هەڵبژاردن دەدۆڕێنم”.

جەختی لەسەر ئەوەش كردەوە، لە سەردەمی ئیدارەكەیدا توانای سەربازیی وڵاتەكەی زیادیكردووە و لە ئێستادا F-35مان هەیە، ئێوە ئەوانە نابینن، ئەوانە نهێنین.

بەردەوام بە لە خوێندنەوە

کوردستان